SF UK incredible new products

今次UK又設計了一批好有創意的新品會在9月發售, 其中有幾款我都已納入必買item!!

Children's Tea Party - Ref: C39  £8.99 Figures not included 終於有SF 出的 high tea set喇, 好喜歡個蛋糕架同茶壺!!

Children's Playtime Furniture - £9.99 Figures not included

所有配件都好喜歡, 尤其我未有的望遠鏡, 玩具櫃都好funny, 如果坐椅無咁膠咁反光就好了.

Beach Fun & Games - £16.99 Includes two figures

炎炎夏日, 又點少得去沙灘運動, 打下沙灘波, 拋飛碟, 重有塊咁靚的wakeboard 板, 加上兔媽媽同妹妹咁sharp的泳裝, 睇見都想去游水!!

Cycling Adventure -£12.99 Includes figure
最適合郊外旅遊的單車組合

 

Dressing Up Set - £14.99 Figures included
好有趣的 cosplay 設計, 唔止有好可愛的小天使, 海盜帽重有隻兔icon好正呀, 不過狗海盜點解會用兔icon呢...?

 

BBQ & Camping Accessories - £9.99 Figures not included 去露營的配件有營燈, bbq爐, 冰箱, 睡袋等, 重細心到有埋牙刷.

Evis's Sleepover - - £12.99 Figures not included

算唔算係SOFA床呢, 不過張SOFA又好似細左D.

Rustic Cabin Kitchen - £19.99 Figures not included

凸出洗手盤設計好特別, 藍色廚櫃亦好吸引!

 

Cosy Cabin Living Room - £19.99 Figures not included

最buy都係個書櫃同收音機, 不過張sofa都係太膠了, 但整體都比人好warm的感覺 !

森林家族之友大飯聚

昨晚約了一班森林好友飯聚慶祝lulu回港, 好多朋友都係第一次見面, 平時都係網上聯絡, 有機會終於聚埋一齊實在好開心呢!!

是晚book了去太子和民, 11個人可以有間房, 自成一角傾得方便又坐得舒適, 食物已經變得次要.

各人都帶備了代表自己的小子民到場, 雖然還欠一位朋友仔, 不過都影住相先.

 

森林子民代表齊人喇, 總共有11位.




是晚大家有傾有講, 食野都唔得閒.

最後當然要拍照留念喇.

 

唔知幾時可以再見lulu

點解lulu個樣咁抵死, 咁多位姊妹記得保守秘密呀......hahahaha



黎張自拍大合照先.



拎住小子民的大合照, 影得更開心!!

多謝annie的手作, 電話繩重有森林家族印tim架!!

多謝lulu的八寶禮物, 有得食又有得扮靚, 重預早送埋x'mas gift, 好滿足呀!!

 

 

極之開心的一晚完, 依晚有好多朋友仔都係第一次見, 大家有相同的嗜好當然傾得特別投契, 我覺得自讀完書後認識不少朋友, 但咁好又咁真心的就只有在森林家族裡認識的你們, 好慶幸喜歡了森林家族, 好慶幸這樣而認識你們!!

3M 省水閥

早排一田大減價, 見到依款3M 省水閥已經想買, 最終無買到.
第次去開jusco又搵搵, 見原價$106/ 減到$99/, 比一田賣時更抵, 當然即刻買返兩個, 一款用於冷熱水, 一款只用於冷水, 分別係前者只慳到45%水, 後者有84%水架!!

牛角燒肉專門店

昨天黃生生日, 終於選擇嘗試香港開業已有一段時間的 "牛角日本燒肉專門店".

近近地正好葵芳有分店, 黃生6點前就walk in攞位, 咁早實在未有幾個人呢, 但我6點半到已經好多人在門外排隊了, 平時見其他分店都係大排長龍的情境, 見到都怕, 又點敢排一兩個小時為左食依餐, 都係另願早d黎拎位, 又或者可以提早訂位.

order左份黑毛和牛肉眼 - 雪花分佈平均, 邊位稍肥, 但入口溶化感令人滿足度大增, 油脂燒香肉質較腍, 點上燒汁令牛味提升. $320/

燒至肉色粉嫩, 溶入口中的油脂及牛味更讚!!

 

特上和牛牛肋肉(燒汁) - 較有咬口, 亦有牛味, 但無menu相中的脂肪咁平均, 一分錢一分貨. $99/




牛角salad, 微酸醬汁醒醒胃口.

牛油帶子 - 燒至帶子邊微脆, 肉質唔會燒到韌.

雜菜盛合 -  粟米夠甜, 小心茄子易燒蕉, 洋蔥燒熟夠甜, 最好食係燒雞肶菇.

黃生喜歡的玉子飯, 不過網友話牛角飯有驚喜, 下次試吧.

牛舌 - 有教學每邊燒20秒就ok

燒完包上半生的洋蔥, 微微辛辣感與爽口牛舌配搭恰好.

海鮮盛合 - 有蠔, 蝦, 青口, 醃魚及帶子, 附上配菜. $99/

青口最穩陣, 一般黎講都有青口本身的味.
醃魚肉質較淋, 味道嘗可.
醃帶子比牛油帶子遜色, 味道過咸.


蠔味重, 不過剛在昨晚食的生蠔, 無得比.

燒蝦比想像中好, 十分彈牙, 如能自己撤上鹽就更能提升味道.

是晚$840/, 雖然唔係我食過最正的燒和牛, 不過亦食得十分滿足!

Hubby birthday, 法國水中花蠔

昨晚黃生生日前夕, 先去Italian Tomato 揀了個 Chocolate Fruity Blackforest , 即係朱古力鮮果黑森林蛋糕, cream 一樣好smooth, 水果生鮮, 生日牌用朱古力造, 好好味呢! 
祝黃生身體健康, 心想事成, 依然咁聽老婆話...HAHAHAHA...




買完蛋糕經過JUSCO超市, 好多款生蠔呀, 對眼即刻發光!

咁多款唔知邊款好, 一於問人介紹左款最爽甜的...

France Fleur des Eaux 的 size 唔細, 算厚身, 海水味適中, 爽口質感, 鮮甜餘韻留在口中長久, 確實好回味!!

 

迷你風扇

依排熱到溶, 有日見到隻風扇扭蛋, 諗住抽隻自己吹, 點知扭完咁迷你o既?! 重要係上鏈的, 試過用, 真係風都唔多滴....-_-''
雖然見個size咁細又無咩用, 但又match子民用wor.

松鼠弟弟睇見幾開心!




@10/款

小飛象, Rabbit shoes

上星期六陪奶奶飲茶, 之後去了九龍灣行街, 晚飯時去了小飛象, 自從多年前去澳門食葡國菜後都好耐無再食了.

當晚6點幾就walk in, 時間早所以唔洗等, 但之後好快已經好多人等呢.
上開飯網睇, 推介乳豬飯, 果真無揀錯, 皮脆肉嫩, 平時食的燒味乳豬都只在食個脆皮, 真係唔知原來d肉都可以咁嫩咁好食!!
一向唔好飯的我, 個茄汁飯底都炒得香口開胃. 抵讚!!

另外菜色一樣有水準;
馬介休炒雜菜 - 馬介休較碎, 但蒜蓉炒得特別香口
炸馬介休著球 - 唔覺有魚味, 只有食到薯蓉, 但都炸得外脆.
燒雞串 - 要等較長時間, 但燒得好好, 唔會乾
燒豬頸肉 - 與雞串一樣即燒即上, 新鮮熱食特別美味, 配上薯皇及salad.



環境夠大坐得舒適

之前見到有baby爬行賽, 睇見心急如焚的家長不停引baby前進, 但多數叫極都唔郁, 有d重返轉頭, 真係好有趣!

行經Rabbit 買了對涼鞋, 重同奶奶一人一對同款唔同色, 大家都覺得好舒服又好睇...haha
買完即著, 行下先發現原來唔係米色, 係淡粉色, i like it !!
promote 一百九十幾咋, 好抵買, 不過sales提醒落雨唔好著.