一家四口的生活, 森林家族的世界.: 2月 2009

2009年2月27日星期五

一百萬零一夜 (Slumdog Millionaire)-good film

之前對依套戲重有D猶豫, 噚晚同黃生睇左, 真係一套充滿娛樂性的戲, 有段睇到好有"28日後"feel, 唔同的係唔係比喪屍追, 變左比警察追, 有笑位, 有悲位, 最欣賞佢可以拍到印度貧民窟真實的一面, 事實係一套愛情片, 但拍得都唔過火.

一幕滿是鐵皮屋的片段令我最刻骨銘心, 相片中都只是戲中的一部份而已, 雖然我好細個時都曾經住過鐵皮屋, 但我相信當年我的環境也好過他們好多倍.

P.S. 套戲final都加上印度特有的bollywood歌舞, 都ok, 特色呀麻!

2009年2月26日星期四

Catch laser

兩個傻仔超愛追laser, 玩到朝朝早一聽到我開櫃通聲就即刻o係廳撲入房, 醒爆!

見到hugo的興奮程度, 撲到趴晒o係度, 直情好似上身, 笑到我肚痛!

haven都好好奇, 不過斯文得多, 無阿哥咁顛.

2009年2月25日星期三

一百萬零一夜 (Slumdog Millionaire)

Oscar前睇過"一百萬零一夜"的trailer無咩特別, 故事有d神秘, 無諗過會咁勁o係Oscar成為大嬴家, 有趣在當初華納都唔睇好, 比左fox去承擔發行支出同共分所獲的收入...

好多人好欣賞Danny Boyle拍過的"迷幻列車", 我只係記得趺入屎坑一幕, "28日後"我就比較欣賞, 今次應該都會捧下場, 睇下有咩料到.

2009年2月24日星期二

開始熱

依個冬天真係走得快, o個少少清涼的天氣都開始無埋, 前兩晚焗到頂唔順要拎個風扇出黎吹, hugo & haven好識簡位, 坐正o係前面...

2009年2月23日星期一

enjoy to play @ house kitchen

o係北海道帶左森林家族的玩具返黎咁耐, 前兩日終於拆開house kitchen黎玩, 今次想講下玩玩具的心情, 有時得閒我都會心癢癢想拆玩具黎玩, 不過有時放工返到屋企都唔早, 攪下依樣攪下o個樣都已經起碼9點幾, 想玩都玩唔耐, 有心情時就會的起心肝, 早d招呼完兩個仔(去chuchu), 自己沖埋涼, 我就可以自由喇...

今次一拆開間house kitchen, 真係覺得好靚, 心諗好在無放棄o係北海道帶佢返黎呀! 其實每次拆玩具都會一樣咁興奮!

配件逐件逐件砌上, 玩玩具的心情就係咁滿足呀!

擺好基本設施, 就準備拆小配件喇, 有d bear出黎的配件, 我會特別用界刀批走d被口, 等佢唔會有野凸出吉手, 有時整得耐都會懶懶地想有人幫下手, 不過黃生都唔會得閒理我, 因為佢都大把野玩.

今次house kitchen附有的食物配件特別精緻, 見到杯cappuccino上有個小兔兔的圖案, 真係kawaii 呢!

一路欣賞一路要發揮創意睇下點佈置, 最後梗係要加上森林子民, 感覺即刻生動晒.

玩森林家族中的樂趣就係有自己主見去佈置自己喜歡的樣式, 加上擺出可愛姿勢的森林子民, 看見更溫馨更有滿足感!

2009年2月22日星期日

Street Flighter IV, blue-ray: penguin, transformers

上星期五同黃生行行下街就買左隻STREET FLIGHTER IV(街霸4)返黎, 想當年小學時代已經玩依隻game, 因為我叔有部play station又借過比我玩, 當時的男同學不知幾羨慕tim...

買左部50'電視咁耐, 黃生都無試過用佢黎打機, 可能廢事阻我睇電視掛, 但o個晚一開黎玩, wawawah... 真係爽爆, 視覺效果大到無得頂, 第2日黃生買埋條喇叭線, cool ar, 直情有去機舖feel呀!

唔洗講咁多, 我鍾情春麗, 黃生就簡阿ken.

咁耐無打, 大家都當然好屎, 先去train下先.

haha, 我一開始已經亂cho制, 有你無你係咁cho, cho到咩絕招都有, high爆!! 不過之後手軟軟就cho唔出lu.

記得依招波功嗎?

p.s. 今次打返, 感覺好回味, 不過覺得同以前打的好似無咩分別, 可能如果變得太多就唔係街霸, 亦無佢本身的樂趣.

一試左用大電視, 又同黃生縺返轉車先, 不過我用mini咋, 唔會西得太勁麻...

黃生又點會咁快罷休, 再踢返場波先. 佢話真係好爽wor...

預備開角球喇, d聲真係睇tv live一樣.

當日重買左幾隻blue-ray: Transformers, 另外有兩隻ANTARCTICA, 主要梗係想睇我今期超愛的penguin喇, 不過只講畫質, 中間o個隻唔掂, 完全無blue-ray quality, 右邊o個隻之前都買過sampler睇, 當然一樣好清喇!

2009年2月20日星期五

新碟架

今個星期一走去Ikea買左個新碟架, 2百幾, 比用開的款式貴, 不銹鋼質料相對比較靚.

病左幾日, 前晚先正式啟用, 望落外觀都真係唔錯.

依款係舊的, 用左7-8年堆滿日積月累的污垢, 最終放棄, 幾十蚊貨用左咁耐都好抵好用.

~~不過用開有感情, 硬係覺得舊款好用d...

2009年2月19日星期四

胖貓---麵麻桑

OMG!! 今朝o係公司做做o下野, 有DHL派遞, 重要係比 VICKI LEE (好少人直接比我的, 除左我訂玩具...), 睇下睇下係台灣sent過黎的, 心諗嘜重有台灣森林家族之友send野比我咩?!

一拆開....... 先知係我搵左好耐, 台灣出版的日本貓書 "胖貓---麵麻桑", 好耐都無想買貓書的衝動, 但依本書的拍攝手法同照片都特別有趣, 尤其個主角, 肥得可愛, 動作攪笑, 在街上閒逛的表情真係好吸引... 可惜我每次去睇都係剩返比人睇到殘殘舊舊的最後一本, 黃生check過書局又斷晒貨, 依幾日病到又無咩心機, 但收到今日依個surprise真係勁開心呀! (國語)你是我最好的!!

2009年2月18日星期三

中蕉. 死撐

前日瞓瞓下肚作怪, 一起身就肚瀉, 返到工司想嘔又嘔唔出, 一早飲左雙飛人頂住, 食埋感冒藥, 無再痾, 但放工返到屋企沖埋涼就賴野, 即刻成身軟晒又骨痛發燒, 轉啪日本感冒藥, 10點就欄上床瞓, 超耐無試過咁早, 半夜2點再起身食多制藥, 昨天起身唔死得又繼續返工, 呆左成日, 個肚又脹住d氣, 其實個人都無咩胃口, 又頂到收工, 都係走去睇醫生, hihi doctor LEE, 新年前見完依家又見... 原來中左最流行的感冒, 昨晚食完藥, 10點幾又軟賴賴咁欄上床, 12點半再起身食藥, 到今朝個人依然無咩力, 又再死頂換衫落街上巴士................. 為咩我要咁死撐, 比著我以前一定休息左先, 不過上年經濟唔好, 剛剛新年被迫放左10日年假, 唔想有咩要事放假就無假比人扣錢, so...我要死撐.

anyway, 依家好好多, 等收工再回家休養.

2009年2月17日星期二

小忌廉真身

姑且勿論個價錢先, 一見到小忌廉figure真身真係好鬼正, 同以前睇過見過的玩具差好遠, 真係心郁郁想買個做紀念.

p.s. 日本2月尾有售.

2009年2月16日星期一

haven奇異睡姿

haven不嬲懶瞓, 但瞓到咁, 個頭吊出床外, 夠晒奇異.

轉下頭就變左吊腳.

嘜張床唔夠你瞓咩, 攪到個頭咁辛苦, 硬要迫埋床角.

2009年2月15日星期日

情人節返深圳

情人節諗住返深圳換過屋企d窗簾, 不過晏左起身, 諗住cancel之際, 上網搵下搵下d資料, 都係想上去行下, 買唔到都可以食餐飯, 成4點幾至出門, 上到去都唔洗1粒鐘, 住得近係方便d o既, 坐B1去到新的落馬洲官制站, 過埋關坐地鐵去老街站(東門)都好方便, 見到poster KFC賣蟹kim廣告, 要試要試, 食左原來係麵粉黎, 算喇, 都預左, 炸雞翼就同香港的差不多.

之後去到窗簾城睇, 上網見到有人介紹4樓的舖, 但眼見4樓已無舖, 2同3樓都好多吉舖, 我諗真係生意麻麻.

睇左幾間都唔啱心水, 7點幾都係去醫肚先, 行去樂園路食海鮮, 見到有間特別多人, 應該實無死, 2條友食量有限, 點左5樣餸, 先黎碟瀨尿蝦, 有糕的唔錯.

花螺仔啱晒我

蒜蓉粉絲蒸扇具, 超正, 好好味!

平平無奇的西蘭花花枝片, 一樣炒得咁好食.

最後食碟辣象拔蚌仔, 熟得濟, 好un, 完全食唔到.

總括我同黃生食左$185/人仔都幾抵食, 係衛生差d, 有機會都會再去食.

New in town

13/2 睇依套戲最主要係捧Renee Zellweger場, 睇trailer見到冰天雪地的背景, 令我懷念剛在北海道的冰冷氣溫, o係情人節前夕睇最好不過.

第一個shot睇到Renee的body感覺係: 好瘦... haha, 重同BJ年代相比. 再睇佢close up係歲月不留人, 依家睇佢真係多左唔少紋, 講真, 套戲內容係略厭老土, so far 都睇得我溫馨開心.

2009年2月13日星期五

Gu Gu the cat

Gu Gu the cat 就黎上映, 有d想睇, 其一的原因係background 係o係吉祥寺, oh, my lovely place, 記得半年前去完三鷹博物館, 我同黃生途經隔離一個好多樹木的井之頭公園, 還有一個好大的草地比人曬日光浴, 當時看見都感受到當地居民的悠閒生活氣氛, 一個令我好深刻印象好懷念的地方...

當然套戲重有可愛的貓咪睇, 亦有小泉今日子同上野樹里的演出.