第2日的旅程, 一早就要起身, 大陽亦只係剛剛升起, 酒店外的景色, 地面唔係太多雪, 因為昨晚到達至今仍未落雪.
LIFORT酒店的早餐, 填點肚就坐車出發.
沿途都係一片雪地
日本人帶秋田犬散步
上highway時的一大片雪地景色, 記得上次黎時係一大片草原呢.
遠處的雪山
這天暫時依然無落雪, 陽光普照
長長的車程, 終於到達旭川動物園, 園外有好多小雪人佈置, 好可愛!
報依個團的最大目的, 其中都係為左o係冬天睇企鵝, 因為冬天先有企鵝巡遊, 一入園內, 等多陣, 就開始喇...
睇到喇睇到喇, 當時的心情真係興奮到不得了! 真係超kawaii 呀!!!!!!!! 比起隔住玻璃睇佢地真係差好遠呀!
其實見到企鵝行路的姿勢已經好可愛, 前面有隻行得特別快, 但又特別細小, 真係好攪笑!
拍底依段企鵝巡遊片, 真係睇左好多次, 可愛到爆呀!
haha, 依隻行得特別慢, 要個工作人員特別跟住佢, 零舍巴閉.
企鵝池內的水管通道
o係企鵝館內的企鵝又睇一大餐
自拍留念
臨走都有驚喜, 依隻企鵝o係度玩花式游泳, 高速暢泳之餘, 重幾次咁上水入水穿插, 好似o係度show off, 睇到我好興奮!
polar bear我都好喜歡, 平時我都會睇無線高清台的"北極曝光", 所以黎到都一定要搵佢地睇下.
依隻polar bear可能見到咁多人的氣味行近, 所以都頭仰仰周圍聞.
重成日眼朦朦
好開心睇到北極狐, d毛真係好雪白好可愛, 不過佢大部份時間都係咁樣, 凍到個頭鼠入個patpat度, 根本睇唔到佢個樣, 不過...
好好彩又比我拍到佢仰起頭打喊路個樣wor, hahahaha
依隻owl一樣好雪白, 眼仔朦到得返一條線, 樣子矇, 不過佢好攪笑, 個頭成日180度咁慢慢遙, 好似上左摩打咁.
Raccoon呀! o係森林家族中好可愛的動物之一, 睇到佢又係一樣驚喜, 聽kathy的姑姐講, 佢地o係vancouver其實好討厭架, 成日摷人d垃圾, 不過依刻見到都係覺得佢好有趣.
Wolf, 不過影到好似隻箭豬咁.
犀牛都係瞓緊
2隻長頸鹿
睇埋隻駝鳥就走喇, 唔夠時間睇晒所有動物, 不過已經十分滿足!
最後當然要買返隻企鵝公仔比自己, 右邊有雪洞連小企鵝係旭川動物園買的, 左邊大隻d的淺藍色企鵝係之後o係小樽買的, 兩隻都好可愛好鍾意!!
哈... 隻貓頭鷹好似harry potter隻寵物!!!
回覆刪除原來企鵝游水咁快架? 哈... 我似為佢好鈍的...
[版主回覆02/07/2009 02:22:00]haha, 我都覺得似呀!
係呀, 我都無諗過企鵝o係水度游會咁敏捷, 但o係地行鈍鈍地又好鬼可愛.
嘩...攪到我現在超想去日本的北海道玩啊...D企鵝very cute~貓頭鷹都很可愛啊...還有你買回來的兩隻企鵝~Very cute ...很羨慕你啊!!
回覆刪除[版主回覆02/09/2009 16:06:00]真係樣樣動物都咁可愛, 我都好喜歡買了的兩隻企鵝公仔ar!
呢一日既行程好岩大人細路哥, 如果denise有得去, 都會好high啫 !
回覆刪除乜企鵝游得咁快既咩 ? 好犀利呀 ! 落哂正咁係咪好凍呀 ?
[版主回覆02/09/2009 16:15:00]係呀, 我同小朋友一樣都特別喜歡睇真動物, 所以我會得耐唔耐就去ocean park, 但卡通動物我就麻麻喇, so hk disney未去過, 依家又加價更加唔會去.
我都好surprise原來行路笨笨的企鵝, 一入水係咁利害架.
其實雖然佢地係負幾度, 不過無風o既話都唔太凍, 不過之後有日就好凍喇.
好善慕呀 ... D 小動物好可愛 ... 好想睇多D你嘅相呀 ... !
回覆刪除[版主回覆02/09/2009 16:18:00]睇動物真係啱晒喜歡森林家族o既我, 多謝支持, 我會keep住寫依個trip同post相架喇.
wa..勁得意呀!! d 人唔會行埋d 企鵝度架咩?? 比係d 大陸人一定行晒埋去溶左佢地呀! 我都好想落雪天去一次北海渡呀...快d post 食左d 咩呀! 好心急呀!
回覆刪除[版主回覆02/09/2009 16:20:00]所以佢地都有咁多secu睇住架喇, 大陸人實在係超失禮架, 好在今次都無咩見到.
我會努力寫依個trip架喇.
哈哈．．．．小企鵝公仔好可愛呢～
回覆刪除[版主回覆02/09/2009 16:20:00]我都真係好鍾意呀!