冬之北海道 3feb2009 day4 - 小樽運河, 水晶音樂城, 菓子王國

一早起身看見的山景~~

 

在朝陽酒店食了些少早餐後又準備出發, 今日特別緊張, 擔心大雪會延誤車程, 因為今天行程會好緊密, 最重要係最後先回札幌shopping, 等了多天買野的心情, 當然希望有充足的時間喇!!

 

長途的車程, 轉眼間已到了午飯時間, 去了海鮮市場, 看見的海鮮價格都是獅子開大口的, 貴得一點也不合理, 所以只食了團餐便算, 當然碟上的所謂海鮮根本唔多好食.

 

再次到小樽運河了, 比夏天的景象淒美許多, 河邊的街上都舖滿白雪, 加上飄落的小雪, 令我更掛念在香港的黃生, 希望有機會會同佢再遊此地!!

 

表妹重拎起雪球玩拋雪, 玩得好開心呢!

 

下一站就到水晶音樂城, 導遊未講完, 我地已經等唔切要自行離隊...

 

夢之音最多宮奇駿的產品, 姑姐就掃了唔少貨.

 

今次我亦唔執輸, 上次夏天買了秋版的小兔子玻璃音樂座, 今次就買個冬版的做紀念.

 

最重要的時間到了, 返到札幌shopping喇, 好緊張好緊張, 我今次plan的schedule比較密, 而時間只有3小時包括自費晚飯時間, 希望會去到想去的所有地點吧, 一到狸小路就即上taxi途經札幌鐵塔...

去bic camera, 一見到我的目標 -- house kitchen真係眼都凸埋, 無諗過真係大盒到咁, 即刻有d唔敢自己拎返香港, 不過拎上手又唔係好重咋bor, 何況計過o個度買都只係5百港幣有找, 等到香港有都一定無咁平, 經過一番掙扎, 決定都係要帶佢返屋企, 自己知道唔買的話返到香港一定後悔, 去到比錢又要同個staff糾纏一番, 因為我覺得一定要pack箱, 唔係個箱實花硬, 所以又同佢寫漢字,英文, 手勢咩都做雲, 好彩最終佢都明白, 不過我買左over10000yen可以退稅, so又攪一大餐, 其實如果好趕的話都係無謂晒時間, 不過都算係慳到d錢要黎搭的士喇.

今次札幌的森林家族真係唔多, 直情係唔足夠, bic camera的普通產品已經唔齊, 去埋格離的東急百貨要捱貴貨, 東急只有1,2樣特別產品, 但我最想買的樣樣都無, 雖然真係有小小失望, 不過都算買左間大屋喇, 我都好滿足架喇, 但依家就開始作病, 周不時諗幾時可以再去吉祥寺, 簡直係日思夜想... 我驚會諗到痴線.

買完後又過隔離的大通公園, 偷雞睇雪祭, 可惜角度唔好, 咩都睇唔到, 不過之前係車上都望到d卡通做型的作品, 有d重有七彩射燈, 照住真係特別靚. (姑姐影到張部份雪祭製成品)

跟住再上taxi去今井丸井睇agnes b, 姑姐有收穫, 可惜我睇極都睇唔啱.

最後又上taxi回去狸小路的集合地點附近, 去了間拉麵店食拉麵, 不過只係姑姐佢地坐底先, 因為我要把握時間去埋後面的tokyo hands睇porter, 結果好可悲, 根本成個札幌的所有貨同半年前東京的貨都比唔上, 一d都唔齊款, 失望o既我唔想就咁返去, 上去家品部睇, 比我睇啱個磨咖啡豆器, perfect! 黃生之前已經想買, 香港款式大多係透明膠樽, 買到依件用不銹鋼款式的禮物同黃生交差, 我亦覺得係我咁耐以黎買得最滿意的手信.

 

終於開開心心, 滿載而歸去最後一晚的酒店"菓子王國", 我最最最驚喜係今次都可以再住依間酒店, 原本schedule係無的, 但改住依度時, 真係開心到呢!!

菓子王國的房間都係較新同舒適寬敞.

 

第一次黎時已經好喜歡依間酒店的設施, 尤其泳池同溫泉, 又大又多野玩, 雖然今次去到裝修室外泳池, 但都同表妹o係室內玩得好開心, 表妹玩滑梯重玩到唔多捨得走.

 

依晚係第3晚浸溫泉, 比原先schedule多左一晚, 浸得特別爽, 出到圖2的露天陶器溫泉, 心情興奮得難以形容, 今晚係最大雪的景象下浸溫泉, 大點大點的雪不斷飄下, 漂亮得沒此難忘, 自己都覺得可以再黎依度真係驚喜的安排.

游完浸完, 個身真係熱到發滾, 尤其酒店室內都長期開住中央暖氣的, 見到重有雪糕買, 係時候食今個trip的第一杯雪糕, mmm... 好味不在話下, 我地抵死到行埋出室外涼天然冷氣, 一路涼一路食, wahhh 爽到不得了!

之後涼左10零分鐘至頂唔順入返室內, 唔好忘記出面氣溫只有-4度咋 ~~

 

 

我地o既宵夜點只咁少, 今晚重有特別order的河豚刺身, uni及雪場蟹.

河豚因為未試過所以想試, 不過大家都失望, 因為食落並唔覺得鮮甜, 重有d un口.

 

我就簡左uni, 果然無簡錯, 又夠鮮又夠甜, 重件件都咁大舊, 真係食到我好滿足呀! 不過6000yen就貴左d, 可能香港重貴, 但香港好少食到咁大版. 上星期六心掛掛同黃生去susi舖叫了版uni食... 當然無得比.

 

o黎北海道點少得食雪場蟹, 今次已經多左姑姑一齊食, 都係勉勉強強食得晒, 我包底咁濟, 真係好食!

 

wah, 食到飽飽架喇, 原來姑姐好有我地心, 重買多件咁正o既cake比我同kathy食, 重唔滿足到爆!!