冬之北海道 2feb2009 day3 - 層雲峽: 銀河流星瀑布, 冰瀑祭

以下的景點係全程最凍的地方...

一個好壯觀的景象, 原本係兩條瀑布, 一條銀河, 一條流星, 係夫妻瀑布, 不過天氣太冷都結了冰, o個度真係超大風, 超過負10度, 只係落車逗留一會, 表妹因為無帶手套而凍至麻痺, 身上的暖蛋亦變成凍蛋, 所以保護衣物不可缺少. 

寒冷程度可想而知, 如果無一架開恆暖氣的車等我, 實會凍死街頭.

(影唔到流星瀑布, 因為被樹林遮住了, 咁凍, 我都無謂搵命博)

 

架車轉個彎就到下個景點, 層雲峽冰瀑祭, 個身都未暖晒又要落車, 不過遠望已經見到五光十色的冰雪, 實在美麗也不夠形容!

 

睇靚景係有代價的, 睇下我戴冷帽都唔夠, 重要包到隻粽咁, 實在比之前更寒冷, 但最重要著得夠暖喇~~

 

wahh, 一入到冰洞簡直係兩個世界, 真係暖好多呀! 重有可愛冰雕欣賞, 真係想留多陣...

 

 

不停落的厚雪, 踩落好深好舒服.

 

睇完咁靚的冰瀑祭, 唔洗十分鐘就到"朝陽resort", 酒店房間細小, 要人移開椅桌至可以放床舖.

今晚o係酒店食buffet, 食物算唔錯.

 

燒完先知係羊肉, 熟d都幾好食, 無咁so.

 

點少得甜品, 講真, 日本任何地方的甜品都有咁上下水準.

 

食完買埋野就o係lobby坐定定等玩bingo, 今次有班日本公司團的大叔一齊玩, 重好熱心幫我地睇抽到咩號碼, 原本玩完以為無獎拎, 原來無中獎都有隻紀念杯, 重幾靚tim, 都係多得日本大叔通知我唔好走住至有留底去拎咋.

最後班咁好的大叔重特別走黎同我地講bye bye, 玩得實在賓至如歸, 旅行玩得開心莫過於此.

 

玩完點會咁快瞓, 指定動作浸溫泉, 今晚一路浸一路睇到外面小小的飄雪, 感覺實在爽呀! 姑姑重拎左地上的雪一齊玩, 實在攪笑亦難忘!!

 

*無意間戴埋條銀手縺去浸露天溫泉, 一浸先聞到係硫磺溫泉, 因為臭蛋味的, 之後先發覺條縺已經變黑, 好在都係粗戴的, 返到香港, 昨日借了同事的抺銀布抺o下, 即刻無咁黑, 真係幾掂.