o係北海道帶左森林家族的玩具返黎咁耐, 前兩日終於拆開house kitchen黎玩, 今次想講下玩玩具的心情, 有時得閒我都會心癢癢想拆玩具黎玩, 不過有時放工返到屋企都唔早, 攪下依樣攪下o個樣都已經起碼9點幾, 想玩都玩唔耐, 有心情時就會的起心肝, 早d招呼完兩個仔(去chuchu), 自己沖埋涼, 我就可以自由喇...
今次一拆開間house kitchen, 真係覺得好靚, 心諗好在無放棄o係北海道帶佢返黎呀! 其實每次拆玩具都會一樣咁興奮!
配件逐件逐件砌上, 玩玩具的心情就係咁滿足呀!
擺好基本設施, 就準備拆小配件喇, 有d bear出黎的配件, 我會特別用界刀批走d被口, 等佢唔會有野凸出吉手, 有時整得耐都會懶懶地想有人幫下手, 不過黃生都唔會得閒理我, 因為佢都大把野玩.
今次house kitchen附有的食物配件特別精緻, 見到杯cappuccino上有個小兔兔的圖案, 真係kawaii 呢!
一路欣賞一路要發揮創意睇下點佈置, 最後梗係要加上森林子民, 感覺即刻生動晒.
玩森林家族中的樂趣就係有自己主見去佈置自己喜歡的樣式, 加上擺出可愛姿勢的森林子民, 看見更溫馨更有滿足感!
D玩具手工好精細喎！
回覆刪除[版主回覆02/25/2009 14:23:00]所以我地好多blog友都係森林家族的fans黎架...
回覆刪除嘩...Beautiful~好可愛啊!
[版主回覆02/25/2009 14:24:00]係呀, 間house kitchen真係好正!
你係咪整左個櫃放你d森林家族?
回覆刪除[版主回覆02/25/2009 14:25:00]haha, 已經有2個大柜tim la...
好靚好靚呀, 我覺得除咗紅屋之外, 佢最靚...
回覆刪除我都感染咗啲同事, 而家開始玩森林家族, 哈哈...
[版主回覆02/25/2009 14:28:00]唔知你講的紅屋係邊間呢? 係咪lighting house呢.
無錯呀, 間house kitchen真係無得頂, design又靚, 前舖後居, 真係好好玩!
really, 正呀, 我都想感染下我d同事或朋友, 不過因為唔平, 好易比人話返轉頭lor...
Jealous.... 好想買呀!!!
回覆刪除[版主回覆02/25/2009 14:39:00]hey, 唔洗je我o既, 我見uk都有得賣, 英鎊68.5可惜只包寄自己country, 你都睇睇有無美國online shop賣依間屋喇.
你拆左出黎砌好哂放喺display櫃呀 ? 我地平時都好少玩架, 因為denise成日好忙要做功課溫習, 唔想令佢分心偷懶, 而我亦唔想做執野呢個動作, 真係好鬼攰架 !
回覆刪除[版主回覆02/25/2009 14:45:00]咁又係o既, 如果成日見到d玩具, 小朋友都好難專心溫書.
係呀, 玩時係開心, 不過砌好所有野要好多心機同時間, 如果玩完要收返埋就真係唔多想玩lor.
正呀~~~ 一路都未買森林家族屋, 因太多款式難以決定. 但呢間我一定會入手的, 可惜香港唔知要幾時先有得賣. 而我又唔知幾時先可以返香港買呢 .
回覆刪除[版主回覆02/25/2009 14:57:00]係呀係呀, 真係必買呀間house kitchen! 我諗你睇下canada/ usa有無online shop賣重好, uk已經有售喇, 不過寄過你度d運費可能唔平, 香港就真係有排等ar, 上兩季d貨hk都未有得賣ar...
美版咪仲遲過HK, UK 寄番嚟太貴嘞, 寄望下次去日本仲好啲...
回覆刪除[版主回覆02/26/2009 17:50:00]有時太喜歡真係等唔切我都會考慮oversea order, 不過咁大間屋就真係會太貴. 希望大家都可以好快再去日本喇!!!
我仲未開始玩哩間kitchen呀...T.T
回覆刪除[版主回覆03/05/2009 23:08:00]我都已經忍左一排先拆, 就係日日望住佢, 望到忍唔到喇...
小其同你可能一樣重未拆, 你地都快D開黎玩喇, 真係好鬼靚架!
我都好想買呢間 Kitchen House 呀 .... 期待你多D作品呀 !!!
回覆刪除我最近都買左做Christmas 景, 好快post 架喇.
回覆刪除[版主回覆12/29/2010 14:07:00]超想睇, 你會post blog定fb呀?