味皇@太子

星期一4/4去左太子買花, 經過味皇, 以前食開tst分店, 係一間有水準的餐廳.

上次去荃灣莎樂美比人呃食唔到蒜蓉汁的鐵板餐, 今次o係味皇揀左個吉列魚柳拼黑豚豬, 侍應好醒, 竟然識得用我隻叉撩起塊扒先倒汁, 亦不忘淋上豬扒上, 而吉列魚柳亦只淋好少, 大家都明一淋炸物就真係淋晒唔好食麻, 由此可見係有heart的店員!!

不嬲都只會食雞扒的我, 今次為了吉列魚柳而揀左依個拼黑豚豬餐, 味道比預期中好食wor, 肉質嫩, 真係唔錯!! 魚柳亦炸得香口, good呀!! 加上蒜蓉汁, 成個配搭都好合我心意!!

 

葡汁焗雞扒飯, 個汁都唔錯, 黃生都話好食.

價錢亦好抵加埋都係around $100/, 份量啱啱好, 價錢只係莎樂美的一半, 講真, 莎樂美太大份, 我真係食唔晒lor.