明記海鮮@流浮山

玩左成日, o係下白泥搭返33號小巴 $8.x 去流浮山食海鮮, 咁多間都唔知邊間好, 都係睇"開飯網"最多人推介的明記海鮮.

6點幾就到, 所以無咩人, 搵左個靚位就坐底, 寫左兩款小菜, 再揀3樣海鮮就等食.

先黎個送的魚湯, 我其中最喜歡就係魚湯, 煲得有水準, 湯夠白足料, 唔會好重胡椒味, 凍左d飲都唔會腥, 真係唔錯! 所以都飲左3碗.

 

 

蒜蓉炒介蘭, 炒得香, 菜夠爽!

 

好大碟的生炒骨, 夠成圍枱食, 汁夠酸甜, 但最可惜肉un, 係依味唔合格.

 

蒜蓉粉絲蒸開邊蝦, 好正, 有時出面會食到d蒜唔夠香,太生或太熟, 但依度真係好有水準, 中蝦新鮮, 最重要粉絲吸晒d精華, 一齊食最perfect, 唯一係個豉油汁欠了點鮮味, 淡了點.

 

花甲都係蒜蓉粉絲蒸, 一定唔會差, 只係花甲蒸完縮到以為比人換左隻細size咁, 同個殼唔合比例.

 

果皮蒸大隻鮑魚, good!! 肉厚唔un, 果皮香, 食前淋上豉汁, 無得頂!!

 

食前都見人講流浮山食海鮮比較貴, 今次埋單$447/, 係偏貴了, 但店舖食物有水準 (除了小菜 : 生炒骨), 服務亦一流, 無人地講到服務好差, 真係兩回事, 所以總括係好滿意的.