遊完濕地公園, 搭輕鐵去到天水圍西鐵站, 行去輕鐵的反方向行到尾, 再搭33號小巴$9.20 去下白泥, 車上好多都係拎攝影器材去睇日落的人士, 所以會好多人一齊落車.
上次黎到無check清楚潮退時間, 天氣又唔多好, 所以未能如願, 今次黎到, 一幕又一幕奇景見在眼前, 實在開心又興奮.
可以行入去紅樹林, 想都無想過吧, 濕地公園都只可以遠望咋.
上網搵資料時, 一舊舊睇極都唔知係咩黎...... 淨係覺得好神奇, 原來係養蠔場黎.
去到時只係5點幾, o個日要6:38pm先落山, 行左一陣就走了, 最可惜係無等到睇埋日落的美景, 因為真係太曬喇, 無遮無得坐的環境, 加上玩了半日, 都係下次再黎喇.
行完後會發覺對鞋好多泥, 返屋企都要清潔一番, 不過真係好滿足今日的行程, 之後還去流浮山食海鮮. (待續)
非常靚的地方, 我真是要帶老公去逛逛.
回覆刪除[版主回覆04/05/2011 02:16:00]係, 我去到一見到咁多奇景都好驚喜!
記得上天文台check清楚潮退時間, 夾埋睇日落, 再去食海鮮, 實在係一個好好的節目!!
我無睇埋日落已經走, 所以唔洗同人淨小巴, 聽人講日落後走個天會好黑, 唔適宜行出去流浮山, 有人會帶電筒行, 但要行成粒鐘架, 而睇日落的人真係好多, 我走時都起碼已經有50人以上, 重見到好多人坐小巴入去, 所以都估到幾麻煩, 但如果搾車去就要預早小小搵位泊.
(Empty)
回覆刪除hi,我以前都幾鐘意那裡的日落,因為我細個係個度住過1年多
回覆刪除[版主回覆04/06/2011 17:28:00]好羨慕可以住咁天然的環境!!