好攰呀, 依家先有時間坐底, 想快快記錄今日所有開心事!
一早過左海拜阿爺, 之後去左灣仔睇earphone, 聽啱左款又可惜無貨, 算喇, 等覆返唔返到貨... 行完就去cwb, 發覺last holiday街上特別少人, 行得特別舒服. 上左sogo睇新裝修, 森林家族專櫃細了, 但部份產品裝在大大個display櫃上, 幾壯觀!
見到無咩想買, 但剛影完兔家族大合照, 發覺 brown rabbit 唔太齊, 就比藉口自己買set family慶祝復活節, 而且做緊85折都係$272/.
新年時買左條好靚的日本白瓷手鏈, 早輪去睇頸鏈斷晒貨, 戒指都無, 但重可以等4月返貨, 經開心癢癢睇下有無貨返, 見到喇, 拎左上手, 又點會走得甩, last 3隻, 自知唔買實後悔, 唔再諗咁多, 又用復活節症候群做藉口, 買埋返屋企. 其實真係好靚好鍾意, 貴少少都值喇......keke
是日亦有另一個慶祝原因, 就係咁o既經濟環境下, 黃生都有人工加, 咁開心, 實在要慶祝下, 黃生送左件乾濕褸比我, 雖然依家已經熱, 不過個款唔易搵到自己啱心水, 買定留返秋天著都好! 黃生都買左條牛仔褲, 兩件都係zara買, 發覺我地越黎越鍾意去zara購物, 因為款式物料都比較好, 物有所值.
開心的一天完.
真係好有復活節氣氛呀 . 隻兔介指好靚呀 !
回覆刪除[版主回覆04/26/2011 14:01:00]係, 兔年復活節買就最好藉口, 真係好靚好喜歡呢!!
呀... 呢set 兔仔我都想買呀... 前日去sogo既時候唔見有貨.... ....隻戒指真係好靚! 襯哂今年兔年! ....
回覆刪除[版主回覆04/26/2011 14:00:00]依set唔見櫃有, 都係見出面個大兔附近擺了3款兔, 依set係其中一款, 你打去問sogo有無貨先再去買, 唔係其他店一樣咁check, 可能都有折.
係, 兔年買就最好藉口, 而且真係好靚好喜歡呢!!
朱古力兔真係好抵...
回覆刪除[版主回覆04/27/2011 01:18:00]係呀, 2百7有咁多個成員真係好抵.
...我今日又行多次sogo, 見唔到大兔係邊. ..(發雞盲...) 不過買左Brown Rabbbit Grandparents, 咁唔買celebration set.(可以慳番d ..^^")..問左個staff 幾時有芝娃娃... 佢話: 芝娃娃?!...唔知喎... 而家冇.... 唉, 可能暑假先到貨... 不過hk 官網頭頁最新產品已經換左芝娃娃張相~
回覆刪除[版主回覆04/27/2011 10:23:00]問左代理: 芝娃娃家族於青衣城展銷位獨家優先發售, 五月中左右會在其他門市有售。
好可愛呵!
回覆刪除[版主回覆04/27/2011 10:21:00]THANKS!!
隻介指好靚喎~~~~!! 係邊度買呀?
回覆刪除[版主回覆04/27/2011 14:47:00]cwb sogo對面唔記得咩商場的日本手飾物店, mk潮流都有分店.
下圖係我新年時買的手鏈款
條手鍊都好可愛喎~~~~!! 唔該晒你呀~~~!! 等我搵日出去睇睇先~~~~!!
回覆刪除[版主回覆04/27/2011 16:58:00]客氣, 好野當然要分享, 不過cwb店話last 3隻ring咋, 手鏈都係得幾條. mk店就唔知有無返貨. 希望你搵到喇.