baba birthday dinner

昨晚返大埔同baba慶祝生日, 大多數貪近可以就埋嫲嫲, 所以都會去東江雞食, 依晚黃生要返大陸應酬就無黎到.

o個度d雞出名好食, 有時重會出現大排長龍買外賣, 今次唔例外都要半隻雞, 不過妹話以前佢d雞皮好食d, 依家唔係喇wor, 我就一向唔食雞皮的. 阿爸至喜歡叫梅菜扣肉, 都炆得真係幾淋, 唔會鞋拾拾. 出街食阿爸都係要叫咸蛋蒸肉餅, 依個我同妹都話唔多掂, 肉餅淋, 唔夠實, 都係阿媽或自己整得足料. 特別蒸條例牌椒汁蒸鱔, 其實都新鮮彈牙架, 不過真係無咩味.  特登叫個金菇玉子豆腐比嫲嫲, 個個都欣賞依碟, 不過原來嫲嫲糖尿係唔適宜食咁多豆類製品的, 下次真係要記住.  每次我必叫的椒鹽九肚魚, 依度都整得唔錯的, 當然我最掛住都係ssp的小菜王.

食完重同阿爸玩遊戲, 考IQ題, 答啱有得抽生日利是, 其實大家都一齊估, 阿妹先問: 有5個人出街, 但得一把傘, 點解佢地全部人都無濕呢? 大家好努力估喇, 叮, mama好醒話都無落雨, 犀利呀! 平時淨係識攪爛gag o既阿媽, 今晚竟然咁醒, 真係估佢唔到呀, 不過ma幫ba抽到封細利是咋... 好好好, 再黎估過, 妹又問細佬d屎最淋, 咁咩屎最硬...頂, 依個愛生事家庭就係咁, 食飯都屎屎尿尿講一餐, ba都好落力估, 開頭ba估的士, ma話sales, 笑死... ma再幫手話係咪豬屎, ba好認真講梗係唔係喇, 係都應該羊咩屎硬d喇.....嘩晒, 洗唔洗咁認真呀, 笑到我地爆晒咀lor, 比左tips後ba話石屎, bingo 估啱左喇, 好喇, 今次到嫲嫲話幫手抽利是, 開頭抽左封, 嫲嫲話唔要, 要另一封, 好, 無所謂比你揀到啱為止, 利是一開, 嘩! 抽到大利是喇! 阿嫲雖然眼力唔好, 不過手感超利害呀!

抽到大利是後, 淨返一封阿爸都要玩, 利是唔嚴多o既, 到我問喇: 山邊快要日落, 估4個字.  大家又估一輪...嫲嫲的工人姨姨估"生日快樂", 估啱左喇, 咁就同阿爸講埋生日快樂喇.