暢遊南丫島

剛剛連放3日假, 係時候又搵d活動攪下, 1/5 join埋姑姐一家去南丫島一日遊先.

上次去已經係上年1月o既事喇, 今次去天氣真係好好, 陽光充沛, 又有涼風送爽, 果然無揀錯日子.

 

雖然都真係勁多人, 條龍排到去長洲碼頭再打個大蛇餅返轉頭, 上網check過話要半個鐘一班船咋, 好在佢又醒目加開班次到10分鐘一班, 唔係實要等多成粒鐘都似...

上船前去咗citysuper買左d 帶子同螺肉刺身上船食, yummy!!

 

yeah, 話咁快就到達碼頭, 天朗氣清, 風景都特別靚.

 

黎遠見到個大姑娘企左o係岸邊石頭上, 唔知有咩攪...

 

慢慢行下街, 睇下d特色小舖.

 

o係依檔乾貨舖買左盒白飯魚小食$30/

 

 

又去左上次去食的土耳其餐廳食卡巴, 特色d麻, 叫左4樣野都係$280/都幾抵食.

芝士香蒜包, 真係幾正, 5個人分啱啱好.

 

雞肉卡巴, 用個薄餅包住雞肉食, 就係佢o既特色.

 

睇落無咩特別的焗蘑菇, 原來好香菇味, 重好juicy架.

 

大o既田原pizza都焗得幾好味.

 

每次都會探下的大樹, 可能生左好多葉, 差d唔認得.

 

見到唔少香蕉樹, 唔知食唔食得呢.

 

黎到點都要去埋風車景點

 

今次天氣好, 可以好清楚睇到對面的景色.

 

次次都無上的涼亭

 

wah, 又係排晒長龍的亞婆豆腐花, 上次去無開, 今次就勁多人, 又無緣試食.

 

去到沙灘坐底hea下先

 

買左d吹波波玩, 真係好耐無玩喇, 3蚊過下引, 回憶下, 抵到爛喇.

 

黃生吹得大過我o個個咁多o既...

 

行過沙灘隔離就有個小農場, 當然都要入去睇睇喇.

 

今次黎南丫島只係見到一隻花貓咋, 又係任摸唔嬲.

 

 

wah, 太陽落山先開始行山, 真係第一次bor.

 

行到一半終於見到索罟灣喇

 

表妹個表情咁似古代o既姑娘o既....

 

wah, 今次可以欣賞埋日落o既景色, 真係一次唔錯的經歷!

 

蛋黃, 我捉到你喇, wahahaha.............

 

姑姐見到波兒在天上, 都幾似wor, 都係樣衰衰咁... haha

 

最好食的海鮮當然係最多人食的"天虹"喇, 當日一早book都要叫我8點先有位, 好在我7點半去到見到好多人等緊都比到位我先.

白卓鮮魷, 點蒸魚鼓油真係幾正架, 只係有d較厚的部位會比較un.

 

好夠味的椒鹽瀨尿蝦

 

食過最正o既炒聖子, 唔會炒到un

 

蒜蓉粉絲蒸扇貝, 又大粒又好味, 真係my favorite!

 

鮑魚仔都好爽口

 

佢話係招牌菜的咕嚕肉, 都有水準喇

 

依個海膽炒飯, 海膽當然鮮喇, 不過咁大碟伴得少少就真係無謂d, 況且都唔平, 成$160蚊架....

 

雖然埋單都唔平, 要千八蚊, 不過耐唔耐一次都ok喇, 而且都真係好好味!