Beard Papa's, 雲南小鍋米線, 佳記魷魚鬚

昨晚去左荃灣, 經開港鐵站Beard Papa's , 黃生忍唔住想買返件食, 我揀左件鮮芒果泡芙, 芒果夠晒鮮甜大粒, 好味!

 

食食下有條粉腸拉住我個袋, 原來見到老死mac, 佢條友同我一樣o係荔枝角做, 但佢住慈雲山都要特登走去荃灣食米線咁巴閉, 所以我同黃生都一齊跟埋去試先得.

黎到雲南小鍋米線, 叫左個酸辣米線, 個湯真係夠酸夠辣, 而且重好夠熱, 真係幾正, d餸都ok, 起碼唔會好似另一間成日大排長龍但無料到的雲南桂林過橋米線咁有名無實, d餸凍, 個湯唔酸又唔熱, 直情無咩味, 好耐之前食過真係把鬼.

 

同朋友傾開先記起荃灣的佳記小食d炸魷魚鬚都幾正架, 一場黎到都要去買返包先.

炸得一樣外脆內爽口架, 重暖暖地, 不過都係深水埗o個間囍囍至正, 但依間都入top 5.

 

終於去左city walk行, 感覺幾好行, 完全唔似行緊荃灣, 特別欣賞中間天井設計, 種滿草木似置身外國, 悠閒寫意.