睇戲, 唱k, 行街, 食野直落

last sat. 16/5 同黃生睇早場 - angels & demons, 唉, 之前套da vinci code我睇完都已經覺得麻麻, 不過黃生話依套唔同, 劇情好睇好多架, 點知....... 唔係話唔好睇, 不過都係唔係我杯茶, 算喇, 11點幾去百老滙睇早場都係$30蚊位, 咁都抵d.

之後掙扎唔知去邊時, 都係決定落元朗唱k, $63蚊位happy hours, 咁o既價錢抵玩, 終於可以唱到阿sa的二缺一喇.

下午求其搵左間舖食泰國菜, 海南雞飯唔掂, 我諗我只欣賞o係泰國食o個d, 雜錦拼盤就啱我d. 巡碟舖見到隻night at the museum blu-ray只售$185, 平左bor, 襯做第2集前買返隻返去睇多次先. 另外重o係千色店洗左千幾銀, 今晚會去荃灣店取貨...行下食下買下咁又一day.

本應o個晚會去bbq架, 不過搵野買野過晒時, 太夜所以無去到, 昨晚黃生重好好話比我再決定去唔去喇, 不過都已經7點幾, 一燒又起碼2粒鍾, 第日要返工麻, 都係放棄, 依家熱晒喇, 今朝重鬼咁悶熱, bbq無望喇, 今年燒得2次咋, 唔夠喉呀......好傷心呀! 啊, 又或者韓式bbq都得bor...好過無喇...