多利民齋菜

又到母親節, 昨晚同媽媽, 嫲嫲兩個母親一行8人到大埔墟食齋, 因為我媽媽係食素的, 所以每次都當然會去吃吃素, 清清心.

依間餐廳雖然舖位唔大, 坐位較迫, 但就常常都會有人等位, 8個人黎等左陣先霸到成圍枱.  間舖其實o係媽媽佛堂的朋友開, 所有工作人員都係媽媽的好姊妹, 所以媽媽都一定食得特別開心.

下圖上面兩款有鮮茄肉丸椰菜花 - 好味開胃.  一個普通的腐乳炒通菜, d菜好靚, 炒得特別好食.       下面兩款左面係乳豬, 口感厚左d實左d.  藕餅係最香脆可口.

 

而下圖上面兩款有牛肉金菇卷, 係我其中一款喜愛的菜色, 初嘗包住金菇的肥牛, 真係好似, 味道亦好正!   特為嫲嫲而叫的蒸豆腐, 賣相最靚, 配上杴汁係perfect match.    下面兩款左係椒鹽魷魚, 用兩種唔同色口感亦似的食材, 炸得外脆內爽口. 最後叫左個阿媽至喜歡的咕嚕肉, 雖然個杴令咕嚕肉皮變得唔脆, 但甜甜酸酸的味道實在唔錯, 連嫲嫲都好鍾意食.

 

一餐豐富的菜色, 係咪會好貴?? 只須$423/埋單, 實在有水準同抵食! 出九龍食o既話起碼多一倍價錢喇.