26/8 星期二晚, 本來返奶奶度食飯, 今次人少, 所以就同奶奶3個人出街食, 真係好耐都無去過黃大仙間詠黎園啦, 超掛住lor, 順便就去食依間啦.
一舨人只係識蔡san介紹黃埔的詠黎園, 奶奶兩間都食過, 淨係下面依個涼伴雞絲粉皮, 佢就話依間好食好多, 我無食過黃埔, 但依間真係我食過最好食的, 比起平時食的四川舖, 個汁真係正好多!
黃生最喜歡的小籠包, 不過裡面d汁流晒, 唔夠熱, 個皮略厚, 失準.
爽口好味的擔擔麵, 一碗辣一碗唔辣, 我喜歡辣!
奶奶次次都食的過橋水餃, 睇就無咩特別, 但味道真係好好食, 我本身唔喜歡韮菜餃, 佢就係放左少少, 釣出個味又啱啱好, 當晚食剩第日返工食, 依然咁好味, 實在下次都想叫外賣再食呀!
當晚都係點d基本四川小點, 已經好正, 其實佢有好多小菜的, 不過3個人已經食唔晒, 唯有下次啦.
另外奶奶話有次去食, 等左成粒鐘, 好在o個日早去唔洗點等, 不過之後就開始多人.
*原來openrice食評都係黃大仙依間好食好多架!
辣擔擔麵好食D定係唔辣嘅擔擔麵D?
回覆刪除[版主回覆08/28/2008 13:48:00]辣擔擔麵好食D架, winnie, 你食得辣嗎?
我食得辣的!
回覆刪除[版主回覆08/28/2008 17:55:00]haha, 人仔細細咁食得辣, 果然利害wor!
真係好介紹呀 ! 你唔講我唔知黃大仙有呢間喎 ~
回覆刪除[版主回覆08/28/2008 17:52:00]係呀, 通常d人都只係識黃埔o個間, 其實依間係親戚舖黎, 不過最重要好食過黃埔o個間, 不防試試.
我好鍾意食唔辣的擔擔麵. (我一邊睇blog, 我男友又一邊睇我打blog) 我男友一見到你的相就好想食麵, 我話晌黃大仙喎, 佢話12 月會去, 跟住先醒起我地逢年尾會去黃大仙求簽.
回覆刪除[版主回覆08/29/2008 09:56:00]咁咪一年至去一次, 希望你地去時佢有開舖啦.
擔擔麵我都鍾意食架....比著以前我一定簡辣味但而家唔得
回覆刪除但如果好食唔辣我諗都唔差掛試吓都無防呀
[版主回覆08/30/2008 13:31:00]係喎, 你唔食得辣bor, 咁你試下唔辣啦, 都ok架, d麵一樣咁彈牙.