一家四口的生活, 森林家族的世界.: 3月 2012

2012年3月31日星期六

開心森林聚會

Happy Friday, 因為好耐都無約咁多森林家族好朋友, 在太子行繽紛, 模型店, 之後又一齊食晚餐, 最後重去了食甜品, 實在肚子滿足, 傾得盡興!!

麻煩晒牛奶兔與LOTTE的幫忙, 帶給我這間咁可愛的蕃茄屋呢!! 原來都唔細盒.

晚餐時的大餐去了味皇, 咁耐都保持水準, 太好了!!

期望之眼神

有日在廚房, hugo 抬頭仰望著我, 期望什麼似的, 最終不敵這樣的眼神, 餵大少們食美味的tuna 罐頭.

星期三晚同黃生用早前團購的coupon去葵芳Ant One 晚餐, order了什扒鐵板餐及最出名的銀雪魚飯, 前者牛柳夠淋有肉味, 後者魚質最吸引, 加上微甜蜜味的炒飯底, 依然咁好食, 重有陪什菜olive oil的餐包, 實在喜歡這樣的配搭, 不過這一餐實在唔平, 細細個飯就要$98/, 鐵板餐$112/, 加$15/有綠茶cream brulee, yummy!
是晚加一後$248/, 扣除2張各用$40/買的$80/coupon, 再付$88/, 共付$168/, 用上coupon後都唔平呢, 不過好味還可以吧.

2012年3月27日星期二

Sogo 85折及更多優惠及官網優惠資訊

SOGO promotion正式在昨日開始, 森林好友lotte亦率先去視察所有優惠及產品, 牛奶兔收穫豐富, 在佢blog內重有好多新發現, 例如特設影相區等等... 睇見都開心呀!!

SOGO 現有85折優惠至9/4, 買滿$300/有遊戲卡及猜森林兔數量的遊戲, 獎品如下圖.

十分感激牛奶兔幫忙買滿$300/ 加 $149/ 換購咁可愛的蕃茄屋, 我一向少玩童話系列的森林產品都忍唔住失守, 而且因為幾抵玩呢, 據知數量唔多, 總數只有20多間咋, 昨天好友已經共掃了5間, 有興趣的朋友想買就早D去喇.

森林家族官網的優惠資訊:

什錦KIMCHI

上星期行過太子, 見到韓式(葉)菜, 五花八門, 眼花撩亂, 貪心D樣樣都揀D試下, 有海帶, 秀珍菇, 蓮藕, 青瓜, 蘿蔔, 枝竹等, 部份酸甜, 大部份小小辣, 好開胃, 無記錯$48/磅.
重揀左薰蹄, 好似$58/磅, 比燒味舖的實口, 而且奇怪佢皮面用左兩層做, 皮與肉比例變得皮還多, 感覺不合理, 味道口感而言, 都係喜歡燒味舖的多.
另外還有雞腳之類都想試, 不過下次先.

2012年3月25日星期日

Blueberry Cheese tart @ Italian Tomato

上星期五買定兩件 Blueberry Cheese tart 在放假時食, Blueberry 唔知係咪唔當糙, 新觧但部份味道偏酸, cheese tart 係我想要的口感, 但cheese味唔夠濃, 都係食慣較濃的味道, 但黃生就喜歡無咁濃, 都係個人喜好. @$32/

馬莎零食

有日行過鑽石山馬沙, 剛巧有位promoter 推銷零食, 薯片痴的我, 佢未開始我已經走上前主動問佢拎黎食..haha
紅色特大包括的reduced fat 底鹽味試食OK wor, 還試了款朱古力, 好香滑, 買3件重有85折.
自己另外揀了喜歡的蕉糖朱古力條, Four Cheese & Red Onion Chips, 一樣咁正!

還有一些 easter chocolate products, 不過都係買有折的朱古力抵食d.

2012年3月24日星期六

荃灣公園, 松記糖水

上星期六拎左個喼去修理, 在荃灣西鐵站經過荃灣公園, 天朗氣清的環境, 氣溫唔高, 行得特別舒服!

還有在狗公園睇金毛同雪橇等狗狗玩, 好可愛重好想養呢!!

行到熱熱地, 去左松記食甜品, 想食香蕉船可惜無, order了開心世界同芒果布甸, 不過感覺麻麻, 前煮的白涼粉唔夠爽口, 味道亦唔出眾, 後煮芒果亦唔夠甜, 部份還酸的.

好戲小生

Haven 不嬲表情多多, 一次過睇佢幾好戲.

.....牛咁眼.............醒目樣...........美男子...........扮憂鬱

唔洗3秒就可以谷出眼淚, 好戲呢!......KEKE

再來富記, 板長

再來富記, 依然食最正炒牛河, 今次第一次試豉汁蒸鱔, 雖然比較油, 不過真係好好味!!

咁耐以黎都係第2次食板長, o個日趕住睇戲, 所以點了唔太多食物, 感覺食物質素與價錢不太正比, 都係去蜂susi好d.

REC 3

等左咁耐, 終於出REC 3, 睇完trailer, 始終喜歡上一集多d, 因為玩到有魔鬼元素, 感覺更新穎更恐怖!

2012年3月21日星期三

日本新品突然襲港

(yahoo blog 又發作, 星期一post的文章只有自己睇到, 依家重新嘗試)

多得牛奶兔通知, 香港官網公佈入了批日本2月剛發售的新品, 實在因史無前例的驚喜!!

一如上篇報導, Easter promotion 即將開始, 希望大家會有個收穫豐富的復活節喇!!

cottage HKD569/

Tree Play House HKD649/

Grayish Cat Familhy HKD260/

Sea Otter Family HKD240/

Canoe Set HKD89/

Swan Boat HKD110/

Outdoor Playthings HKD130/

Refrigerator 2012 HKD89/

Birthday Cake Set HKD69/

SF Easter promotion

update news:

剛剛收到代理通知, sogo easter promotion 會在下星期二 27/3 開始.

Citistore easter promotion start on 2/4.

Popular no any promotion news yet.

2012年3月18日星期日

Live view Polar Bear

上星期見新聞話denmark有live view Polar Bear, 可以在香港時間晚上10pm-12am睇到佢的一舉一動實在好可愛, 重幾痴人同佢玩, 玩到污卒卒, 好有趣!
link: http://explore.org/#!/live-cams/player/siku-cam-1

2012年3月16日星期五

兩兄弟坐按摩椅

按摩椅黎左一星期, 兩兄弟都好快接受同適應, 有朝見到兩個大少一齊坐埋按摩椅, 又幾舒適wor.

感覺都算夠鬆動, 不過平時見佢地都係好少坐, 可能陣新皮味重幾大.

2012年3月14日星期三

梵高. 蛋糕

上星期老闆女生日, 訂左個大蛋糕返黎公司, 用左個大箱裝住, 一打開咁熟面口o既, 原來係用名畫做設計的梵高作品, "The Starry Night", 咁藍的蛋糕真係第一次見.

不過最有趣係, 原來好睇但真係唔好食, 唔係話個蛋糕難食, 係原來藍色素真係太犀利, 個個同事一食就變左阿凡達咀, 重要有同事話之後排出的poop都係藍色架, 即係d藍色素真係分解唔到, 直接排出體外, 所以人做色素太深太唔天然的食物, 都真係少食為妙.

2012年3月13日星期二

修飾食評

平時都好少上openrice寫食評, 剛post了一篇自己blog都寫過的差食評, 不過給總編reject了, 話可能作出了過份或不合理之猜測, 係o既, 可能有d用詞係比較主觀, 不過食野就係咁, 有人喜歡, 有人唔喜歡, 始終都想post出依篇食評而作出修飾, 因為真係唔想人食完後而失望呢.
但都感謝總編的解釋, 以免導致任何法律責任, 依件小事都教曉我, 凡事都要小心用詞. ^^

紅字是修飾後:
有日在MEGABOX tea time試左間" 北海道十勝豚丼", 未試過咁難食的日本菜, 吉列豬扒飯的豬扒係一舊實肉, 完全無豬肉的纖維, 重衰過自己去街市買的冰鮮肉, 我就order左份十勝豚肉拉麵餐, 是店內推介, 心諗都唔會太差吧, 凍豆腐, 我一向麻麻, 所以唔評價, 麵豉湯認真麻麻, 得個咸字, 到個拉麵, 其實我對本地拉麵要求唔太高, 但求個湯有少少味, 麵質軟硬適中, 但依間除左拉麵ok, 個湯真係無味, 唔明佢用咩煲出黎, 自己滾湯都好飲過佢, 豚肉腩只品嚐到未清的雪藏味, 一點豬肉味都無, 感覺不太用心煮食物給客人, 實在令人失望!! 比佢間舖個名騙了入去, 所以有時最怕就係無計劃的情況下去試新食店.

日光浴

Haven坐坐下都瞓著, 重好注重衛生清潔.

放假時都會見到兩兄弟的懶瞓樣, 好爽!

2012年3月11日星期日

銀座梅林

星期六約了奶奶一行7人去TST K11的銀座梅林晚飯, 食最出名的吉列豚肉, 一家人order了各款套餐一齊share.

試了吉列豬扒, 吉列豬柳, 前者當然唔夠後者好食, 豬柳雖厚, 但依然炸得嫩口, 還鎖住肉汁, 實在不錯. 不過比我都係比較喜歡海鮮餐. (下圖係豬柳)

本身唔係太喜好吉列豚肉, 所以揀了海鮮餐, 有蝦, 魚柳及蠔.

蝦好大隻, 如無錯應該係虎蝦, 有陣濃郁的蝦糕味. 魚柳嫩滑鮮味, 完全唔會腥, 我無試蠔, 比了其他人試話好味.

還有試了好似係薑汁豬肉及吉列鰻魚, 前者唔覺有薑汁, 味道口感亦不出眾, 後者比想像中一般, 炸得較淋口, 失了平時食鰻魚的口感及醬油味道, 可能習慣問題吧.

最後更去老佛爺食creme brulee, 滿足的一晚!

Osim按摩美sofa

上星期六行megabox, 在無預計的情況下買了新出的Osim 按摩美梳化, 最初見joey個廣告諗住貪得意入去試下, 發覺原來又幾舒服wor, 尤其喜歡個推拿功能, 對我依d長期肩頸痛的人真係好有舒緩作用.
左諗右諗, 都考慮好多問題, 雖然無天王椅咁貴, 但都係一件唔平的產品, 而且家中有兩貓兄弟, 都擔心會抓花之類的問題, 正當猶疑之際, sales哥哥就拎左張特別版的catalogue比我睇, 話如果怕寵物整花, 就介紹用米白皮包邊的款式, 重係免費upgrade, 送多套椅套(其實我覺得包埋的), 還額外送多張毯, 購物者的心理開始被動搖了, 雖然係有影響, 但都考慮當中的須求, 實在又真係舒服o既.

到昨天見到實物前都有點擔心特別版的外觀, 因所有門市都無show出的, 到收到按摩椅後, 終於放心了, 感覺好grand, 比廣告見的款式相對靚好多呢.

其中買佢的原因除了按摩功能, 係比較節省空間, 亦比坐按摩椅更舒適, 無咁壓迫感.
但相對按摩功能亦無咁全面, 如無按手及足部只有普通按摩而少了推拿功能, 不過對我黎講都足夠了.

另揀了附送的紅色椅套, 本來較喜歡黃色, 但諗到比較易污, 所以揀了紅色.
下圖就係官網的紅色配普通版的啡色邊坐椅.

2012年3月9日星期五

瘋玩 "Draw something"

最近全城瘋玩"draw something" app, 靠畫圖比對方估英文字, 依幾日畫的畫比讀書時加埋的重要多, 真係好crazy fun!!

你地又估我畫左咩? keke

2012年3月7日星期三

閒逛九龍灣, italian tomato tasty cake

上星期六, 同黃生逛九龍灣, 今次比上年去多些人, 但都無損假日的優閒心情.
順道去埋megabox巡舖, 那邊商場的H&M, 德福的ZARA等商舖都比旺區好行好多, 起碼無咁多自由人, 睇衫都特別舒服.
行了一會, 無預計的情況下, 竟然買了舊好大的大玩具, 其實算係傢俱電器, 無LALA就洗左萬幾銀, 真係諗都無諗過會買, anyway, 今星期六會送到, 到時再開估.
是日試左間" 北海道十勝豚丼", 未試過咁難食的日本菜, 吉列豬扒飯的豬扒係一舊實肉, 完全無豬肉的纖維, 重衰過自己去街市買的冰鮮肉, 我就order左份十勝豚肉拉麵餐, 是店內推介, 心諗都唔會太差吧, 凍豆腐, 我一向麻麻, 所以唔評價, 麵豉湯認真麻麻, 得個咸字, 到個拉麵, 其實我對本地拉麵要求唔太高, 但求個湯有少少味, 麵質軟硬適中, 但依間除左拉麵ok, 個湯真係無味, 唔明佢用咩煲出黎, 自己滾湯都好飲過佢lor, 豚肉腩只品嚐到未清的雪藏味, 一點豬肉味都無, 一間完全無用心對代食物比客人的店舖, 差極!! 比佢間舖個名騙了入去, 所以有時最怕就係無計劃的情況下去試新食店.

亦在ikea食了個tea, order喜歡的炸雞翼等, 但只用保暖燈照住的情況下, 雞翼也無咁好食了.

唯一最滿意都是在italian tomato食的蛋糕, d cream真係好香好軟滑, my favorite cake shop!!
Blueberry cheese cake - 生果鮮, 芝士味貼好少, 藍莓底幾香, 最欣賞始終都係d cream.
Chocolate mousse cake - 面層薄香濃朱古力, 朱古力cream好濃味軟滑, 無得彈!