2012年6月29日 星期五

森林家族DIY飾品

閒時無聊都會買淘寶雜誌, 不過都係睇多買少, 今次發現有位賣家設計精緻首飾, 最特別係部份加上森林子民, 即刻加倍吸引!!

實在越睇越可愛又精緻呢!!











價錢只是數十元人仔, 相當抵玩, 至於是否真品有待各位判斷喇.
如有興趣可search 店名: swaylolo222

2012年6月27日 星期三

上海婆婆

星期日陪表妹一家到葵芳行街十平, 晚飯時間度度都咁多人, 最終揀了去 - 上海婆婆, 依間舖幾間分店永遠都好多人排, 所以今次都係第一次試.

個人黎講, 上海菜我不太喜好, 不過當中都有些我喜歡的食物o既...

就如鎮江肴肉, 喜歡佢的肉配上jelly般的口感, 今次依間較實口, 點上醋味道更佳.

 




蒜泥白肉 - 唔好見咁紅以為好辣, 實在一點都不辣, 醬料偏甜, 配上薑絲與粉皮亦不錯, 肉片肥瘦有序, 只是唔夠辣亦唔夠蒜味.





上海炒飯 - 炒得粒粒晶瑩香口, 配上臘肉更野味.




肉香茄子 - 醬汁甜甜地, 我喜歡.





鍋貼 - 我無食, 依類皮厚的上海食品一向不是我杯茶.




沙鍋雲吞雞 - 雲吞不錯, 湯濃, 感覺味精重了點, 雞拆肉碟上, 配湯食無咁諧.



總觀是一間我比較喜歡的上海菜, 坐位舒適寛落.





另在糖伯府點了creme brulee, 依然蛋香皮脆, 正!!


2012年6月26日 星期二

森林家族puzzle with rabbit

上星期去了荃灣食飯, 順便巡視千色店, 見到有平時較少見的產品, 如這款砌圖連特別版兔妹妹, 終於買埋未有的黃衫兔妹妹.
雖然千色店無做任何promote但仍有用$89/特價發售砌圖set, 其餘亦有一款pig key chain 同 松鼠布公仔.


2012年6月22日 星期五

SF UK incredible new products

今次UK又設計了一批好有創意的新品會在9月發售, 其中有幾款我都已納入必買item!!






Children's Tea Party - Ref: C39  £8.99 Figures not included
終於有SF 出的 high tea set喇, 好喜歡個蛋糕架同茶壺!! 




Children's Playtime Furniture - £9.99 Figures not included

所有配件都好喜歡, 尤其我未有的望遠鏡, 玩具櫃都好funny, 如果坐椅無咁膠咁反光就好了.






Beach Fun & Games - £16.99 Includes two figures

炎炎夏日, 又點少得去沙灘運動, 打下沙灘波, 拋飛碟, 重有塊咁靚的wakeboard 板, 加上兔媽媽同妹妹咁sharp的泳裝, 睇見都想去游水!!







Cycling Adventure -£12.99 Includes figure
最適合郊外旅遊的單車組合

 





Dressing Up Set - £14.99 Figures included
好有趣的 cosplay 設計, 唔止有好可愛的小天使, 海盜帽重有隻兔icon好正呀, 不過狗海盜點解會用兔icon呢...?



 







BBQ & Camping Accessories - £9.99 Figures not included
去露營的配件有營燈, bbq爐, 冰箱, 睡袋等, 重細心到有埋牙刷.




Evis's Sleepover - - £12.99 Figures not included

算唔算係SOFA床呢, 不過張SOFA又好似細左D.







Rustic Cabin Kitchen - £19.99 Figures not included

凸出洗手盤設計好特別, 藍色廚櫃亦好吸引!





 




Cosy Cabin Living Room - £19.99 Figures not included

最buy都係個書櫃同收音機, 不過張sofa都係太膠了, 但整體都比人好warm的感覺 !






2012年6月18日 星期一

森林家族之友大飯聚

昨晚約了一班森林好友飯聚慶祝lulu回港, 好多朋友都係第一次見面, 平時都係網上聯絡, 有機會終於聚埋一齊實在好開心呢!!

是晚book了去太子和民, 11個人可以有間房, 自成一角傾得方便又坐得舒適, 食物已經變得次要.

各人都帶備了代表自己的小子民到場, 雖然還欠一位朋友仔, 不過都影住相先.

 





森林子民代表齊人喇, 總共有11位.




是晚大家有傾有講, 食野都唔得閒.







最後當然要拍照留念喇.

 




唔知幾時可以再見lulu



點解lulu個樣咁抵死, 咁多位姊妹記得保守秘密呀......hahahaha



黎張自拍大合照先.



拎住小子民的大合照, 影得更開心!!




多謝annie的手作, 電話繩重有森林家族印tim架!!





多謝lulu的八寶禮物, 有得食又有得扮靚, 重預早送埋x'mas gift, 好滿足呀!!

 


 

極之開心的一晚完, 依晚有好多朋友仔都係第一次見, 大家有相同的嗜好當然傾得特別投契, 我覺得自讀完書後認識不少朋友, 但咁好又咁真心的就只有在森林家族裡認識的你們, 好慶幸喜歡了森林家族, 好慶幸這樣而認識你們!!

3M 省水閥

早排一田大減價, 見到依款3M 省水閥已經想買, 最終無買到.
第次去開jusco又搵搵, 見原價$106/ 減到$99/, 比一田賣時更抵, 當然即刻買返兩個, 一款用於冷熱水, 一款只用於冷水, 分別係前者只慳到45%水, 後者有84%水架!!


2012年6月15日 星期五

牛角燒肉專門店

昨天黃生生日, 終於選擇嘗試香港開業已有一段時間的 "牛角日本燒肉專門店".

近近地正好葵芳有分店, 黃生6點前就walk in攞位, 咁早實在未有幾個人呢, 但我6點半到已經好多人在門外排隊了, 平時見其他分店都係大排長龍的情境, 見到都怕, 又點敢排一兩個小時為左食依餐, 都係另願早d黎拎位, 又或者可以提早訂位.





order左份黑毛和牛肉眼 - 雪花分佈平均, 邊位稍肥, 但入口溶化感令人滿足度大增, 油脂燒香肉質較腍, 點上燒汁令牛味提升. $320/




燒至肉色粉嫩, 溶入口中的油脂及牛味更讚!!

 





特上和牛牛肋肉(燒汁) - 較有咬口, 亦有牛味, 但無menu相中的脂肪咁平均, 一分錢一分貨. $99/




牛角salad, 微酸醬汁醒醒胃口.




牛油帶子 - 燒至帶子邊微脆, 肉質唔會燒到韌.




雜菜盛合 -  粟米夠甜, 小心茄子易燒蕉, 洋蔥燒熟夠甜, 最好食係燒雞肶菇.




黃生喜歡的玉子飯, 不過網友話牛角飯有驚喜, 下次試吧.





牛舌 - 有教學每邊燒20秒就ok




燒完包上半生的洋蔥, 微微辛辣感與爽口牛舌配搭恰好.






海鮮盛合 - 有蠔, 蝦, 青口, 醃魚及帶子, 附上配菜. $99/




青口最穩陣, 一般黎講都有青口本身的味.
醃魚肉質較淋, 味道嘗可.
醃帶子比牛油帶子遜色, 味道過咸.


蠔味重, 不過剛在昨晚食的生蠔, 無得比.




燒蝦比想像中好, 十分彈牙, 如能自己撤上鹽就更能提升味道.



是晚$840/, 雖然唔係我食過最正的燒和牛, 不過亦食得十分滿足!