2013年8月27日 星期二

第一次探忌廉哥忌廉嫂

之前在九龍灣書局見過一次忌廉哥, 今次就第一次到報紙檔探班, 兩夫婦果然睇慣大場面, 面對一堆人都面不改.

忌廉哥有野食就咩都唔理, 食到完全忘我, 全程都無抬過頭...
   

忌廉嫂一早食飽行埋一邊hea住嘆.

 


2013年8月23日 星期五

第一次的接機經歷

8月時黃生獨自過了singapore探親, 23號6-7點返到香港, 我便放工去搭機場巴士接人機, 傻傻地求求其其上了架E車, 點知真係上錯了只去住宅區不去機場的巴士, 在東涌一個屋村問站長點搭去, 又傻傻遊閒地當遊車河再搭過...



點知在停車場停了兩次我都唔識落, 差一個站便轉返出東涌, 最後在四周無人的位置落了車, 向著只在對面有燈的大廈方向問了個人點行返去機場, 先知原來自己在酒店位置, 只要上去直行就會去到了. -_-"



我依個方向白痴總算安然無羔地到了目的地, 還可在黃生出閘前到達.  (汗...)


2013年8月18日 星期日

愛上latte

18/8同黃生去了沙田行下hea下.

6點鐘人地食晚飯, 我地就去飲杯latte食件cheese cake, 以前唔喜歡飲coffee的我, 現在開始由底入門.  這時間無咩人坐得好舒服!



在無印的小收穫 - 亞加力格仔箱, 可惜到依家都放好, 黃生有無印信用卡, 簽脹滿指定金額送了個小小整理袋.




2013年8月9日 星期五

大記攦粉

蔡san都介紹過的大記攦粉見團購有promote,一於買來試試.

其實 攦粉好似較粗米線, 更滑身, 配上好多的配菜, 不錯! 
炸豬扒炸得好香, 肉嫩, 是我喜歡的.


另一碗是雲吞, 每個set跟炸魚蛋同魚片頭, 夠晒飽.
無記錯正價好似三十幾, 重未必有無魚片頭送.

2013年8月8日 星期四

Rilakkuma cake set

8月收到後補生日禮物, 一次過收到8個蛋糕, 又可愛又喜歡!!


日本森林家族9月新品

9月的森林家族新品



第一次出girls accessories, 眼鏡戴出另一種style



可愛的halloween sets, 如果唔係又係朱古力兔妹妹會更值得收藏



有趣的猴子家族



可愛的山羊家族令我最心動!! 始終都係粉色衣服最吸引.

食到無牙的泰國菜

上個月約了班老朋友去九龍城街市食泰國菜, 但就係因為食依碟鳳爪... 竟然食食下令我無左隻牙!!
除了細個換牙, 咁大個女真係未試過食到luc牙, 一聽到隻牙卜一聲o個下, 真係忍不住心裡講左句仆X 喇.
平時最多野講的我, 即時攪到依餐聚會飯食咩都無味... 只有免強食, 都重希望下次再去試真D呢.

好無食就無心情講喇, 隻牙就大工程了, 第2晚已即book牙醫mok牙, 照x-ray, 麻醉, 幫我補埋其他牙埋單$800/, 不過依d錢對比之後的費用實在只係小費, 最有趣係牙醫照完話我依隻原來重係乳齒, 聽到o個下大家都有點出奇, 點解呢... 原來醫生話都有可能發生的, 就係年幼時無新牙長出迫唔走舊牙, 重有另一個原因不過唔記得點講解了, 而且重有個問題就係幾年前依隻牙我杜過牙根, 相信杜得唔好, mok牙後見到好多地方有柱牙情況, 而且都有臭味, 好明顯先天問題加上後天處理得唔好而導致今日的後果.
相信有經驗的人應該知, 通常有2-3個解決方法...
1) 搭橋 , 約3-4千隻, 起碼3隻
2) 植牙, 1萬8 - 2萬隻, 預左有其他雜費, 有須要如牙套等都要成千元 (牙醫建議mok牙後3個月內處理植牙, 否則牙肉不斷收縮有可能導致不適宜植牙)
3) 就係唔整隻牙由得佢

當然我唔會唔理, 依個年紀就唔理重有幾十年其他牙咪好辛苦, 而醫生都話第1)唔太適合, 因為用幾年都會有損耗, 所以今次都係要洗錢架喇, 不過一次過洗咁多確實肉痛, 自己反而唔怕牙痛...:(

現在還在考慮到那間處理, 如果各位朋友有意見請幫忙提出. 感謝!!





2013年8月5日 星期一

金潮小廚


上個月5個人去了葵芳金潮食小菜, 之前2個人來食唔到幾多樣, 今次好開心叫到一枱都係!
是晚星期四 book 8:30, 無大排長龍, 但都有不少人錄錄續續來, 老闆這晚有點時間招乎我地, 可能見我地點不少菜吧, 老闆人幾健談, 唔會令人煩厭, 大家都傾得頗投契.




前菜涼伴魚皮, 真係幾爽口, 不錯!





梅子排骨, 感覺無第一次咁有梅子味, 亦可能太多食物上枱, 食一舊便唔得閒再食, 灘凍了便不夠香味.
聽老闆講廚房有15人下廚, 唔快就奇.





新鮮爽口的大蝦西蘭花





這是嘜東東?






就是荷葉糯米飯, 都十分入味多材料, 老闆教落記得攪混先食.






一pat不知什麼的樣子, 其實係好鮮味的蔥爆生蠔, 蠔果然又大又新鮮, 好好味!





估唔到係椒鹽魷魚, 炸得漲卜卜, 幾特別, 但椒鹽好難混入, 變得不夠味.




好似係炒粉絲, 小小辣釣味, 個個都喜歡.





味道過濃的乞丐雞


 
總括是不錯的小菜, 但已沒有特式的感覺.

2013年8月1日 星期四

生日活動: 森林家族佈置 韓燒慶祝

生日前一天約了VICKY到MEGABOX佈置森林家族飾櫃, 經過德福又有收藏展, 看見一些絕版食玩便流口水了.








好多TOY STORYS 珍藏, 數量也不少, 放晒所有入櫃欣賞特別壯觀!





人咁大頂帽, 睇見都想戴!










無得慢慢欣賞, 因趕時間, 同VICKY食個IKEA 午餐就開工了.
今次好難得視工作於娛樂, 其實都不算什麼工作, 只是去換新品入裝飾櫃內, 過程已令我十分投入同開心了.




換換下已經想買, 大眾做promote, 幼稚園只係大約$250, 好抵玩!!
sogo都有85折





另外在又一城PAGE ONE的佈置
VICKY還有在SOGO的午夜佈置工程更有趣呢, 可惜未有時間參與, 希望下次有機會喇.







晚上約了同親友到 韓國錦城 食韓燒



先來的8小碟, 味道不錯, 泡菜味道比平時食的正宗同特別




右下牛肉唔記得咩部位, 個個都喜歡佢油脂分佈平均, 入口有牛香.
雞比較無味, 但特別點上另外ORDER的醬連生菜包著食, 十分野味



就是蝦上的特別醬, 小小辣令人回味.





炆牛肋骨, 十分入味, 味道亦是講不出的特別, 十分推介
但圖下方的牛小排不夠味, 亦易燒UN.




燒海鮮餅, 果然名不虛傳, 好香脆美味!! 點上右下配上的醬, 必食!!





很滿足的一餐!






之後還去了SMILE食FROZEN YOGURT, 賣相特別, 所以要60幾蚊杯, 比平時食的貴, 不過生日無計吧.




表妹細細個就一齊旅行, 當時幾歲只到我腰下, 現在差不多比我高了, 看著很欣慰!





回到家的SURPRISE, 多謝黃生, 不過這款味道不是我杯茶, 還奇怪蛋糕內有流心, 一切開已經流晒出來, 這種設計不太好.




第2天正日過了海慶祝, 沒有特別食什麼了, 只是食SUSI, 最開心的是天公在這天送了晴朗的天氣給我, 下了星期多的雨, 終於天晴, 我亦可開開心心行街了.




臨走在IKEA買的肉丸PIZZA, 上次食過覺得好好味wor, 有機會自己整都好.



平時黃生都有送野比我, 所以無特別要求什麼禮物了, 只要了這款在中環買的兔擺設, 很可愛呢!
(後補圖)