2012年7月29日 星期日

Celebrate in home try Oyster MaMa

今年生日諗唔到食咩, 諗住o係屋企煮海鮮算, 黃生提意order 新鮮生蠔返屋企食, GOOD IDEA !!

上網睇最出名係OCEAN THREE, 不過開飯網太多恐怖評語, 搵到有人試OYSTER MAMA 好服務又新鮮, 第一次就試試依間.
果然好準時送到, 原來係外判速遞, 而且重係最貴的宅急便, 令人更有信心.




黃生order左4款生蠔, 其中兩款係澳洲 Tasmanian 同 Smoky Bay, 兩款都幾大隻, 較長身, 海水味較重及爽口. 而且幾抵食, 每款$56/ 4PCS.





當然有order返上次食過喜歡的法國水中花 Fleur Des Eaux , 海水味適中, 依舊爽甜, 餘韻令人回味!
$88/4PCS, 抵食過上次吉之島買好多呢!!



另一款都係法國的 Gillardeau No.1 , 係極受歡迎之蠔, 價錢亦係最貴 $112/ 4PCS, 其實味道與質感同水中花好相近的.


 


今次第一次order蠔送屋企, 黃生亦第一次自己開蠔, 初初會有點難開, 不過開多幾隻就開始純熟了.






先試無咁重海水味的蠔, 因澳洲蠔海水味較鹹.
左起: 法國水中花 Fleur Des Eaux  及 Gillardeau No.1 , 再試澳洲的 Smoky Bay 同 Tasmanian.
蠔下擺上冰包, 保持底溫.

 




另外還order埋一份加拿大海膽, 本身唔敢太大祈望, 始終在日本食過最新鮮的, 雖然亦有點講唔出的差別, 但原來加拿大實在係有同樣優質的鮮甜味, 重好大件呢, 每格都係雙層擺放的, 絕對回味!! $120/盒




除了以上當然還選擇了自己最喜歡的海鮮食, 花蟹, 螺仔, 特大條九肚魚(雖然大係好好肉, 但相對軟骨會令人食得唔舒服), 還有大大隻花甲(太耐無買貝殼類, 忘記了要浸, 攪到食左好多沙).




選擇了自己最喜歡的美食, 滿足的生日!!


 

森林蛋糕

今年生日, 收到了一個好靚好可愛的森林蛋糕, SO HAPPY!!





東海堂製品, 黑森林底, 蛋糕鬆軟忌廉creamy! 生果新鮮, 但都有點點酸, 只係我太怕酸, 少少酸都覺.



2012年7月25日 星期三

日本箱根森林家族展




箱根北原玩具博物館,正在舉行森林家族展。

除了現在被推出的商品以外,另外還有從前的商品,愛好者俱樂部的簡訊雜誌的展示, 亦有兒童樂園和吉祥物活動。
期間,朱古力兔子也來握手及攝影的。

詳細的內容,請看箱根北原玩具博物館的主頁;

http://www.hakone-kitahara-museum.jp/


http://www.toysclub.co.jp/new/new4.html














●期間2012年7月21日(土)~10月5日(金)
●場所箱根北原おもちゃミュージアム コレクション2 企画展スペース
神奈川県足柄下郡箱根町湯本740
TEL: 0460-85-6880
●営業時間AM 9:00~PM 5:00
●入館料
おとな(高校生以上)1300円 小中学生600円(小学生未満無料)

※全都11:00~,14:00~
※上述日程以外也有驚喜登場的日。
※9月的登場日程日後發表。



(除了森林家族, 還有其他玩具展覽的)
 值唔值得睇真係唔清楚, 資料相片未足夠.


2012年7月23日 星期一

全線千色店85折

千色店在早前已經全線85折, 上星期經開荃灣順便巡舖, 看見簡單的display已睇得好歡喜!

見到隻自助餐碟好靚, 唔記得自己有無呢...




依間迷你小紅屋好可愛, 左想右想都覺得自己沒有...


2012年7月22日 星期日

Hopkins Rabbit Family

UK 新品終於有相睇, 不過重有待確定外型的, 就咁睇真係好似樂園兔呢.

Hopkins Rabbit Family  - £15.99
This is the first available picture of the Hopkins family - their outfits may be altered slightly prior to their launch!
This product will be in stock on Friday 14 September, 2012.



Hopkins Rabbit babies- £8.99
This product will be in stock on Friday 14 September, 2012.



2012年7月16日 星期一

蘭香麵家, 菊花園, 豐記雞蛋仔


收到朋友send IT 及其他品牌減價後再7折優惠, 即決定去TST The One 及美麗華巡舖, 雖然唔算迫人, 不過衣物太亂, 實在無心情揀.

睇一陣就去了蘭香麵家, 終於來到一試, order了招牌菜, 雞腸冬菇撈麵, 牛柏葉河.
本身都有食炸大腸, 牛腸之類, 但從未食過雞腸, 雖則爽口, 但亦有輕微內臟味, 不過係洗得乾淨的, 冬菇炆得香淋, 麵質不算好爽.
而招牌牛柏葉說實話係un到不得了, 唔知係咪新鮮的本身都係咁呢, 就當我唔識食吧.
大約$80/






上星期六又去沙田shopping, 行到咁上下已經8點幾, 咁晏搵野食實在有難度, 去了火車站上面搵餐廳, 好食少少都排晒隊, 見到有間老香港格局的"菊花園" 無咩人, 雖則依d情況多數唔多好食先會咁, 不過唔理喇, 見係我喜歡食的粉麵都可試試...
炆冬菇 - 好入味又好淋, 不過薑味多了點, 蓋過了菇香.
炸雲吞 - 皮脆蝦肉爽, 香口的都係我喜歡
牛腩撈麵 - 估唔到牛腩同筋都炆得又香又淋, 實在有水準!
大約 $80/




當日下午經過TST 加連威老道時買了豐記的香芋味雞蛋仔試, 未食時真係好香芋頭味, 但食入口又唔覺有味了, 但雞蛋仔都香脆的.


2012年7月15日 星期日

The ONE x Rilakkuma輕鬆小熊品味の家

上星期五阿妹陪我到 THE ONE 睇 RILAKKUMA CHOCOLATE & COFFEE FESTIVAL, 3個特大場景, 真係可愛到爆, 平時少影依D相的我都忍唔住影返幾張呀!!




當中還有不少PROMOTION, 詳情
(click here)

2012年7月12日 星期四

2012年7月11日 星期三

SF summer poster

暑假到喇, 好喜歡依兩張POSTER, 見到都想去海灘, 亦好想砌返個場景, 希望黎緊會完成喇.





capture by 香港森林家族官網

hea住食

最近開罐頭比兩位公子食, 依然食得津津有味, 不過唔知點解Haven食到一半就停底hea住食, 重坐底睇住阿哥食, 等到咁上下先黎埋尾, 係咪食得太急無益呢?!


2012年7月10日 星期二

尋找兒時魚蛋粉回憶

剛過的星期六, 終於的起心返大埔尋找兒時魚蛋粉回憶, 自從出黎工作, 已經10多年無食了...

首先到"欽記", 當年還記得在大埔墟舊街市時, 這間在街市內的大排檔好巴閉架, 自己等位坐, 無隊排, 坐底唔好叫人落單, 等人埋黎先叫, 每人只可order一次, 唔夠食都無得再落單, 係咪巴閉到極呢, 不過當日去已經無依個境像喇...
就算聽唔少人講佢大不如前的食評, 但點都要返黎試.  最記得當年份量好細碗架, 細細個的我都要食兩碗呢, 依家份量正常喇, 依度的魚蛋麵包括魚片魚皮的, 魚蛋依然彈牙, 有人話無以前咁彈, 我覺得ok喇, 個麵依然保持淋身, 係呀, 佢一向都係淋的, 唔會好似出面的雲吞麵咁爽口, 主角係魚皮, 依個較失望了, 已經無當年美味非常的厚身魚皮喇, 變成周圍可見的普通貨了...  雖然等了咁多年已經無以前的水準, 不過一路食一路點辣椒醬, 實在回味無窮!!!   @$22/
p.s. 2點幾到, 落單無耐就無魚蛋了.





食過唔夠喉, 去埋"新蔡潤記", 細個只係食過依間咋, 無食舊o個間, 本來都有去舊店"蔡潤記"睇睇先, 去到已經無魚皮了, 黃生重聽到有條友好串咁講, 無晒喇(語高氣傲), 意思一早就無喇, 睇開飯網都見人話間舖d人串到唔再幫襯架喇....
anyway, 返去"新蔡潤記",  2點幾重有炸魚皮, 細個又食開的, 當然入去回味下先...
我依然食魚蛋魚皮麵, 魚蛋無咁彈牙, 麵身就比較爽, 主角魚皮係占上厚粉炸成, 黃生唔太喜歡, 雖然佢d魚皮比較硬, 不過始終有別於出面見慣的魚皮, 加上我喜歡的炸粉所以好啱我食, 我重外賣了一份魚皮呢!   而黃生的牛腩河ok, 不過牛腩似乎切錯紋, 唔易咬開. 每碗$20/, 炸魚皮$18/


實在好開心滿足的兩餐!!

紅螞蟻


又去了紅螞蟻dinner, 今次用埋張團購coupon, order了招牌銀雪魚飯, 田螺薯溶, 依然咁正, 蒜香排骨ok, 蒜味多d更好. 
是晚只須$100/, 認真抵食.


殘住HUGO瞓

有晚HUGO的睡姿, 咬晒腰...




重要完全遮住對眼, 盞燈殘到你嗎?


2012年7月9日 星期一

THE DOG @ 新都會

平時都會在葵芳巡, 今次新都會攪THE DOG展覽, 好多大大隻的DOG佈置商場, 唔係FANS的我都覺係有趣.




最喜歡個紅色電話亭.





 

 

重有其他THE DOG佈置未正式公開的.

2012年7月5日 星期四

Sonny Angel 電話塞

放工做完facial, 去屯門join黃生dinner, 剛好星期四晚係log on promote, 會員有折扣, 無無聊聊抽左兩盒食玩, 另外揀左款電話塞...
本身唔係話好喜歡依隻Sonny Angel, 不過見佢動物系列好可愛, 尤其依隻兔, 原來真係好cutie!!



2012年7月4日 星期三

森林家族暑假推廣預告

PAKA 森林家族資訊

森林家族7月開始會有折扣優惠(個別零售商可能會有不同日期)。

八月在崇光百貨會有特別的活動,請密切留意稍後的公佈。