upgrade blog completed

今日有一天假在家真好, 休息之余, 順便有時間比我完成upgrade blog的程序, 我睇都懶得睇點back up, 終於就咁click埋升級程序, 唔洗半小時就搬晒舊post去新版面, 只係個搬移中顯示仍然未close, 無所謂喇, 應該都唔算大問題o既.
暫時發覺改舊post字形及大小不能同時轉字的顏色, 另upgrade後須要自己add返之前的blog友, 其他就有待嘗試.

返回新加坡-行街巡舖篇 day5 - 26/09/2011

不捨得但都要離開Tioman了, 返到新加坡先返回親友家放底行李, 同剛在香港返黎的uncle auntie食個lunch, 閒聊一會就去了Orchard road 行街shopping.

多謝網友資料及親友的帶領, 毫不廢力就搵到其中一間賣SF的店舖DOLLZ INC., 不過依度真係無咩貨, 應該話我大多數想買的都有了, 比起來香港變得算多款, 最後我亦只有在這間店買了一款SF carry case做自己的手信.

依間其實係朱古力店

在food court見到唔少想食的甜品

在這間買了兩件cake試

下面係chocolate, 好好味好creamy, 朱古力亦夠濃, 上面係coffee, 都好味, 但個人較好前者.




杯仔布甸, 好似蛋撻咁, 即晚未得閒食, 第晚食餅皮變得一般

但款式夠多, 實揀到自己喜歡的味道

行到咁上下, 親友帶了我們到一間新加坡抵夾好味的泰菜餐廳

 

炒芥蘭苗, 唔夠第一晚好味, 但都唔錯

泰式salad, 係酸酸的, 我唔太喜好

蒜蓉炒蝦, 個個都話good

青咖哩雞, 第一次食青的, 又唔錯wor, 係雞太細件, 煮到鞋左d

菠蘿炒飯有水準

海鮮河粉炒得香口

依餐唔錯, 但都說實話, 香港真係有更多更有水準的泰菜, 唔須要刻意黎依度食.

bonus day

昨晚先返到香港已經3號風球, 新聞講8號機會不大, 我都無諗太多, 只係覺得o係機場等車真係好大風, 重未知今日洗唔洗返, 因為都唔多記得幾點先係safety time, 算喇, 有大半日放已經係bonus.
.
.
.
剛剛過左3點, 應該都唔洗返工喇掛, 今日有成日時間, 就upgrade埋個blog, 我懶到連back up都無做到, 不過暫時都好順利, 所有舊post都無唔見wor.

馬國Tioman陽光海灘-最後一天 day5 - 26/09/2011

這天已經係最後一天在Tioman, 好有趣, 出外見到的天氣竟然係陰天, 唔知係咪個天知我唔捨得, 所以唔再用太陽對住我呢?!

 

食早餐時, 有隻猴子仔走了入餐廳拎野食, 動作表情趣緻可愛, waiter見到都一副耐佢唔何的笑臉, 感覺大家都相處和諧融洽.

 

之後在屋頂才發現佢地有成個家庭呢~~

 

這天才發現酒店房附近的水池竟然有好多科斗, 令我記起小學時會去水渠邊玩科斗.

 

好多美麗的東西在這天才用心發現, 走時看見這朵漂亮的花

 

再看看resort內其他款的酒店房

 

這是lobby對面的game room, 有乒乓球, 遊戲機, 枱波, 上網等...

 

這種是最平的junior room, 外睇感覺都唔錯

 

lobby對住的小橋流水

 

check in後的半露天屋簷下, 又有隻貓貓行了過黎, 重痴住我同黃生隻腳唔走, 實在令我點捨得走~~

 

好喇, 又到時間講byebye

 

依幾日o係度玩得真係好enjoy好好玩, 好多難忘的第一次, 亦好喜歡依度的環境, 有機會都一定再返黎!!

跟住就返去singapore喇

馬國Tioman陽光海灘-出外晚飯篇 day4 - 25/09/2011

在Marine Park同魚群暢遊完後就返酒店休息, 午睡一會, 太陽下山了, 感覺到風也涼了.

 

晚上出酒店外醫肚, 上網搵資料中餐館唔掂, 去到亦只有烏蠅幫襯, 當然聽人建議去馬拉餐館 Delima Tomyam & Seafood Restaurant食喇, 聽講假日多人到無位坐架, 下圖有電話可以打去book.

 

一碟簡簡單單的炒麵都幾好味, 主要我喜歡食麵, 而且係我至愛的油麵口感

 

炒米粉都唔錯, 唔好睇影到好大碟, 依度夠女士食咋

 

馬拉牛尾湯, 個個都話正, 我覺得味太濃, 不過牛尾就好夠淋.

 

以為係燒雞翼變左炸雞翼, 是但喇, 係炸乾左姐.

 

又食炒芥蘭苗, good

 

海鮮東陰公, 一般喇, 係無得同泰國比架喇.

 

飲飽食未醉, 返房繼續開P飲酒食生果,零食, 玩card game, 第一次玩, 原來都幾好玩wor, 雖然我玩4局輸兩局.

玩到2點幾先各自回房休息

馬國Tioman陽光海灘-Marine park浮潛篇 day4 - 25/09/2011

_{第3日o係Tioman, 一早本來有雲, 但出到去又好天了.}

_{今日join左個私人local tour, 係昨天的潛水領導介紹的, 比酒店報的平, 只係250馬幣/一車載4人, 可由早玩到6點都得, 其實主要都係搾車帶載你去睇下景點, 玩浮潛(唔包器材).}

_{先去睇海龜, 11點至開, 去左附近碼頭睇左海先.}

 

_{水都好清, 但因有魚船有油污, 睇下就算了, 坐左海邊餐廳飲杯野.}

 

_{夠鐘就起行, 到海龜生育中心參觀}

 

_{聽左陣power point, 有點眼瞓, 不過都了解人類點殘害佢地, 其實除左海龜, 所以生物及大自然都要愛惜呢!!}

 

_{聽講座時有隻kitten, 好細隻, 好可愛, 重咬了黃生腳幾口}

 

_{第2點去睇waterfall, 都知無咩料到架喇, 睇兩眼就走了.}

 

_{waterfall的水都好清的}

 

_{最後去了marine park, 附近都有唔少貓貓, 睇見佢地就覺得寫意}

 

_{馬國人對貓貓好好, 依隻kitten(有2隻的)竟然有成盒雞飯食}

 

_{marine park其實o係個碼頭度}

 

_{都會見到好多熱帶魚同海贍}

 

_{wah, 只要餵佢地食麵包就會游晒埋黎}

 

_{有大條有細條}

 

_{一無野食又游開了}

 

_{知道有野食又黎喇}

 

_{突然間, 我睇到有幾條唔沈常的魚類... 有點懷疑, 睇睇下佢就好快走返海底了, 當時我已經覺得見到baby shark, 依樣係我返到酒店問親友先証實的, 真係好興奮!!!}

 

_{條baby shark頭上的紋}

 

_{之後有其他人浮潛比魚咬到流血, 我地都懷疑係咪比shark咬, 好在我地玩完先見到依個情形, 唔係我都唔敢再落水呢.}

 

_{身邊都游滿了熱帶魚, 今次真係撞到我!}

 

_{其實最後發覺依個local tour睇海龜同waterfall都係無須要的, 值得去的只有marine park, 而由酒店去依個碼頭都只係一段15-20mins.的車程, 有興趣只須搵酒店車載你來回都ok, 應該都唔洗250馬幣. 當然另外重有好多款唔同的local tour, 出發前最好做定research 邊款適合自己.}