博多一幸舍

4月中同黃生去佐敦取信用卡積分換的熱水壺, 順便終於可以到恒豐中心的拉麵街食拉麵喇.





6點幾時間嘗早, 一於來食飽先拎野.
咁多拉麵店在眼前, 即刻選擇困難症上身, 最終揀左博多一幸舍.

叉燒拉麵配餃子及炸雞, 拉麵湯都不錯, 印像係不太濃的, 但豬骨湯底味美, 配上溫泉蛋實在滿足!!

第一次食, 原來每人入場都會派發一張電子卡, 點食物都是用卡記錄, 不過唔見左要賠錢架.

Jackie the bear's school mouse pad

成個幾月無update blog, 只因有些project比較忙. 希望會快快記錄返自己想記底的事...

成個月前在荃灣一店買了Jackie the bear's school mouse pad, 重要係自己喜歡的圖案!

Last day & 收穫篇 - 7 apr 2013(DAY 5)

住新宿太子酒店咁多晚都無睇過出面的景色, 雖然對住鐵路, 不過平日瞓到黃朝白晏都唔會嘈醒.



是日最後衝刺, 在新宿住有樣好, 就係好多店舖品牌都有, 今日先去巡巡BEAMS BOY, 因去原宿的店無了依條line, 不過睇完都係無收穫.

之前來日本多次在不同地方見到salut! 一間十分化算精緻的家品店, 原來在LUMINE EST 都有一間, 太好了!




咁大件的收納櫃都只係1050yen

 

太多吸引人的產品喇! 件件都想買返屋企!





今次最終揀了這款4面玻璃的飾櫃回家

行到一會, 係時候食甜品

 

經過此甜品餐廳時, 真係睇到流口水, 530yen一件, 味道一流! 不過一個人食一件都幾濟.

轉個頭, 行到2點幾就搭機場巴士走了, 在樹場又食點東西先上機.

都係JAL的飛機餐比國泰好, 精緻的餐還有Haagen-Dazs

今班機竟然delay, 本來想自己搭機場巴回家都過了服務時間, 只好麻煩姑丈送埋我了...



在樹場買給同事的手信

還買了本雜誌連化妝袋, 好抵, 690yen

當日買的飾櫃, 越睇越開心!

今次無買太多野, 其實都係唔想洗太多同埋無位放置呢...

 

每次都會買我至愛的蝦片同calbee 薯片回香港, 可是後者比我同姑姐表妹食剩兩包, 最衰係香港無我最愛的雞湯味.

機場買的櫻花餅, 好睇又好食!

換到另外買的植物盤, 靚好多!!

Tokyo Skytree - 6 apr 2013(DAY 4)

住新宿太子就係方便近歌舞伎町, 搵食無難度!
這朝早去若狹家食碗魚生飯先, 好新鮮好好味呀!




今日會去兩個地方, 第一先去原宿陪表妹行街, 多年無來了, 始終都係適合少女行多d.

表妹見到韓流店, 對眼發光了.

陪埋姑姐去burberry 買幾件衫就轉移陣地...

就係去TOKYO SKYTREE 喇, 話說回頭, 原來自己係未試過帶人搭METRO架, 最多都係我跟住黃生, 今次第一次重要帶住表妹姑姐確實有點緊張, 搭過的人都知METRO係幾複雜幾多分線, 同一月台亦有去唔同地方的支線, 今次除了自己做足功課外, 亦搵表妹姑姐幫眼, 果然差點就上錯了車,  幸好大家合作得到好大的成功感呢!! 這就是自由行的寶貴經歷!!

問過黃生點解12月時唔帶我來, 佢話上網睇好似無咩好行, 點知來到, 原來都有不少特色店舖

當然每間店舖都有SKYTREE 的 signature products

handmade 鞋匠, 唔洗睇都知唔便宜...

行到咁上下, 買了pancake 食, 不過食剩大部份餅, 我都係適合淨食雪糕好d

好多人有錯覺, 以為skytree的商店只是在塔內, 而個塔咁細, 商店多極有限吧.
其實地面幾層係連接另外的大廈的, 所以要行的地方都算不少, 今次我亦行唔晒呢.

 

本來想夜晚再外出睇變色SKYTREE, 不過行街行到完全忘記了, 起碼影了日景吧...hehe
當日還落著雨, 幸好都已經在商場內活動, 天氣同時間關係, 都無去塔上睇風景了, 不過亦可留返下次再來看!

TOKYO SKYTREE 手信店, 實有樣東西喜歡!

自己就買了款水樽變色SKYTREE做紀念, 姑姐問我有咩特別, 特別在除了水可以飲, 底座的變色位置還可放其他透明產品呢, 夜晚睇一樣咁靚 (可分開買)

中國有清明上河圖, 這裡有東京上河圖, 中間電視位置可看見車輛流動的城市

在吉祥寺不夠時間逛NATURAL KITCHEN, 這裡剛好有間店, 買了少少戰利品, 全店貨品無記錯都是105yen/件.

經過超市, 非常多美食, 看見有款吉列珍寶海老, 重要只售634yen, 點會忍得住唔買!

係咪好大條呢!!

看了一陣咁精緻的東西, 估不到是餅乾, 什麼捨得食呢.

這裡都有間宮崎駿專門店, 有棵大模型樹, 原來內裡的龍貓同茨子都會郁架...

當然亦有不少精品

去了不記得名字的精品雜貨店, 看見不少精緻文具產品, 可惜用不著.

 

熨金刺蝟信紙, 太靚吧

TOKYO SKYTREE 都有 RILAKKUMA STORE

不過無買什麼了.

行到差不多, 係時候回程了, 順順利利回到新宿, 仍然下著大雨, 在METRO搵了地下通道回酒店最近位置, 可惜都只能搵到中段放棄

本來非常順利的一天, 就在晚飯時出了點問題, 就係搵唔到原本想食的燒肉店, 大家都淋到腳濕了, 搵到時發覺店舖已close, 無理由咁早收架, 唔知是否已關門大吉.

最終都在酒店附近搵了另一間炭燒店, 幸好食物都好好味!

就是這幾塊A5和牛, 非常有牛香, 還有黑豚豬是我食過最好味的, 有著和牛入口香軟細嫩的口感.

姑姐話不夠第一晚好食的薄餅, 但都算可以.

order了唔記得咩湯, 厭太多胡椒味.

還有海鮮盛合和雞肉, 一樣咁正!

最後一晚食到肚子滿足, 回酒店看看戰利品, 姑姐即插上可愛的龍貓小夜燈, 再看全天侯播放韓國節目的電視台, 日本人果然都很喜歡韓國idol 呢.

我的小小收穫

立體磁貼

剛到步日本取行李時發覺不見了行李帶, 最後到100YEN店買過條.

在Natural Kitchen的小收穫

回香港時將心型小盤栽轉到新買的陶瓷盤size剛好, 加上變色 skytree 及陶瓷動物, 看得我很陶醉!