2009年7月30日 星期四

十幾年後的團聚

昨晚真係好難得, 同中學同學攪左個十幾年無見的團聚, 兩圍枱先坐得晒, 真係好墟撼!!



 


淨係認人都有排認, 有d記得個樣又唔記得個名, 場面真係幾攪笑, 好多人重做左baba mama, 感覺好似好唔真實, 依晚大家無所不談, 實在係傾得盡興的一晚!!



2009年7月28日 星期二

生日飯 - 小菜王

我向來都唔捨得食太貴的食物, 有時會食, 但最怕食完覺得質素一D都唔值, 簡簡單單穩穩陣陣都係去有口碑的地方食, 第2次黎小菜王, 食小菜都係我最喜愛之一.


見到有個北海道螺肉點黎試下, 又幾鮮幾好食bor.



 


食過最好食的椒鹽牛肚魚, 今次都一定要再試!



 


普通的菠蘿生炒骨, 係人都知煮得好食一d都唔易, 依間就絕對係整得好的一間, 夠酸甜, 食落裡面重好脆~~



 


特色菜 - 百花小棠菜, 上次食過併盤內有依款菜味道口感幾特別, 今次特登再order依然咁好食.



 


最後係 蒜蓉開邊蝦, 肉夠肥夠鮮, 好味! 真係滿足晒!



 


上次黎等左成粒鐘先有位, 今次黎唔洗等大把位, 可能係平日吧, 都好, 唔洗等又食得舒服! 食完就同黃生去黃金行下, 買左個街霸大手制, 返到屋試, 真係打得幾high!


2009年7月27日 星期一

祝我生日健康順利

搭正12點, 正式到我生辰紀念日, 久仰元朗金蘋果餅店大名, 幸得黃生預早訂購, 終於在今晚可品嚐, 芒果蛋糕係佢o既招牌蛋糕, 一試果然好美味, 芒果夠甜, 蛋糕亦鬆軟, 只係strawberry酸了點還有些少芒果搾外, 整體都好好食.



希望新一年順順利利, 健健康康, 經濟快復甦, 中埋六合彩!


2009年7月25日 星期六

第一次撈金魚, 金枕頭泰國菜

星期五day off約左kathy表妹同candy姑姐, 今日又食又玩, 真係好開心充實!


食完lunch經過商場有撈金魚, 雖然唔係咩新奇玩意, 不過我咁大個女都係第一次玩咋, 我同表妹都玩得好開心呢!



 


無幾耐就撈到喇, 真係好鬼興奮呀! 最後我撈到3條, 表妹就食白果, 不過至在好玩麻.



 


最後表妹揀左4條金魚而唔揀禮物, 其中有條白色的魚重搽左唇膏tim 架, so funny!!



 


黃昏無咁曬就去左姑姐會所遊水, 有會所真係好, 泳池d水都清過人, 遊得真係特別舒服!


 


晚飯重去左食金枕頭泰國餐廳 , 成日都大排長龍, 9點半後會有特價, 食物質素一d都唔差!



最值得推介的蜜汁燒雞翼, ichiban, 同bb蕉燒o既一樣咁正呀!



 


真係好多謝今日姑姐提早請我食生日飯及款待!!


2009年7月23日 星期四

The Grand Cinema - 5院 Standard Chartered Starsuite

噚晚終於去左睇"Harry Potter 6", 講真睇完今集真係無咩特別深刻o既場面, 主要都係講主角的感情戲, 對比咁多集就真係比較遜色.


但今次o既主角反而唔係套戲, 而係一間點都要親身體驗一次的戲院: The Grand Cinema - 5院 Standard Chartered Starsuite, 全場只有23個座位, 座位舒適闊敞不在話, 電動椅子還可調教唔同角度, 務求令人坐得最舒適去欣賞電影.


5院係由另一個特別入口進入, 唔知重以為係vip會所入口, 一入內有個bar枱放置大爆谷, 氣水/水/熱茶免費提供入場人士, 場內有個彼大的等候休息區, 最重要院內螢幕都算大, 唔會因為院細坐位少而影響螢幕質素, 只係唯一令我地挑剔o既係院內影音有不完善的表現, 聽到有雜音, 但佢依然有最值得一讚的一面, 就係所謂"超體感" 用超底音頻震動出人類聽唔到的音效, 感覺真係好正, 絕對有佢觀嘗價值!



雖然依間院係比較貴, 但一分錢真係一分貨, 坐得不但舒服, d人亦唔會o係你身邊嘈喧巴閉, 因座位間的距離比較鬆動, 睇戲自然睇得特別舒暢!


2009年7月21日 星期二

新耳機 Mingo MW-2

舊耳機死左, 本來諗住無咩所謂的我, 買左個P記幾十蚊貨仔, 點知真係覺得好唔掂, 都係近得D高人多, 攪到對耳都挑剔埋, 黃生比我睇到依隻香港人出的brand : Mingo MW-2, 淨睇樣用木做的外殼已經好吸引我, 睇埋forum發燒友的評語更有高度評價, 即管到星際試機, 依隻系列有兩款耳機 - 【深木銀圈低音版】及【淺木金圈人聲版】, 試聽之後覺得後者的bass不比前者弱, 人聲又實在比較分明, 初級人士的我好容易就決定到揀後者.



packing都做到磁貼門咁靚, 抵讚.



 


內附唔少配件



 


搭車返家途中用P記耳機聽歌, 依然有un耳的感覺, 即時開封新耳機黎試, 四個字: 相差好遠!
其實最重要佢真係唔算好貴, 有發燒友值情話4百幾的價錢有8百蚊的貨色, 有無咁利害我就唔識講, 不過起碼物超所值喇.



 


今期promotion送的耳機盒.



P.S. thank u so much Mr. Wong let me have one more desirable B.day gift... hehe


2009年7月19日 星期日

玩籐球

haven 性格最自得其樂, 平時夜晚都會自己搵野玩, 今次就拎左個籐球玩餐飽.



 



2009年7月16日 星期四

惡作劇之吻, 極速緋聞 sound track

慢人好多拍, J2返做先第一次睇 "惡作劇之吻", 一睇就停唔到, 好欣賞女主角咁純o既愛, 現實生活真係好難會有, 一個女仔要喜歡一個人5年真係好難想像咩感覺, 當愛到另一個覺得是理所當然時, 微妙的感覺亦從此刻發生, 而男主角的性格重令我覺得似曾相識, 睇完實在回想起初戀的感覺...


劇內的歌詞好貼戲的內容, 編曲同主唱亦好好, 忍唔住要買隻台版sound track黎聽, 用家中影音試聽, 想不到錄製效果比想像中正, 好值得買.



 


而且內附劇照, 另附有戲中的金句對白, 值得收藏.



 


自己揀選了一些喜歡的深刻場面...


-湘琴搶直樹高中畢業愛的象徵的第2粒衫鈕



-點少得依幕直樹的惡作劇之吻



 


-湘琴扮日本幽靈, 飄出黎o個吓真係應唔出係佢



-第一次非正式約會



 


-happy ending



其實第2輯的"惡作劇2吻"亦已經火速煲完, 雖然無第一集咁正, 不過亦有好多值得睇的地方, 始終想睇佢地的愛如何延續落去.


 


 


另外買埋韓版極速緋聞 sound track, 太喜歡戲中男童星喇, 只係聽完隻碟無預期咁正, 人聲唔夠出, 質素麻麻, 歌曲共鳴感亦唔夠強.



2009年7月14日 星期二

套貓台毛毛毯

為咩hugo坐到伸晒手咁舒服, 其實買左張新o既毛毛毯套落貓樹台度, 因為舊有的已經有d破爛, 本想自己買幅毛毛布包住佢, 早排行過Ikea見到依張好啱洗, 又有橡根拉索, 記得只係2-30蚊, 抵過自己整喇.



 


就係左面o個塊



 


索緊條橡根就攪掂, 幾靚.



2009年7月13日 星期一

峰susi

上星期去完海洋公園, 夜晚又閃去cwb食峰susi, 無試過o係香港食成版uni, 依間係我食過較有水準, 就order一版試試, 味道真係幾鮮甜, 如果我o係北海道食過的比較, 依個都有80分, 係無咁甜姐, 但都好好架喇.



 


order左帶子同下張圖的元貝, 真係帶子好食d架.




 


有新野試, 佢話係北海道空運產品 "鹽燒魚背", 真係幾正, 好肥美.



 


炸魷魚夠香口.



 


醬燒鰻魚, 醬汁真係無得頂, 必食之選.



 


蝦天婦susi, 係個炸皮掙d, 味道都ok.



 


燒三文魚, 又係好肥美, good呀.



2009年7月12日 星期日

i love red panda@ocean park

兩年無黎海洋公園, 真係好掛住呀, 襯佢8月加價, 點都要去玩返次, 最抵死係揀左上個星期五10/7今年最熱的天氣去, 好在早有準備無著牛記, 唔係實焗到生熱癈.


睇左個新開的恐龍帝國, 至在有冷氣嘆, 不過黃生最怕熱, 出到室外話: 天堂與地獄....




 


最好就係見到有下水禮玩, 我地怕整濕, 睇下就夠喇.



 


好天到晒到燶



 


o係人都圍住佢的噴霧恐龍仔, 重會周圍走.




 


上次黎見到維修緊越礦飛車, 今次都有興趣想玩, 不過廢事玩完行唔到喇.



 


準備入海獅, 海洋館, 我其中一個必去之地




有無留意到佢係上下倒轉暢泳架



 


次次黎都買d魚餵海獅, 今次亦唔例外...



各就各位等食魚喇喂...



 


餵完就睇海洋館, 次次都睇得好鬼開心



 


上埋觀光塔睇風景



 


另一必到的訓練營睇小海豚, o係度睇真係好睇過海洋劇場, 因為可以好近距離望到佢地游水同玩波, 真係睇得零舍開心!!




睇住佢跳高再插水,  姿勢優美, 10分!


q爆呀!! 重追住個波波頂, 下次我一定要同你一齊游!!



 


睇埋水母就坐覽車過對面



 


熱到死死下, 買左個幾可愛的企鵝形風扇仔





 


最熱切祈待o既小熊貓我黎喇




 


睇下依位唔知係盈盈定樂樂, 食竹葉食到佢個樣幾嘆.



重好有技巧將一塊塊葉用口含住先, 再一次過當雞脾咁食, 夠晒爽!



 


Red Panda: Hong Kong, I love Hong Kong...


見到喇見到喇, 真係好鬼q呀! 重q過熊貓, 都係因為佢地活潑d多動作d.



 


爬樹都好靈活, 好鐘意佢條好肥美的尾巴.







 


黎料喇, 好lucky比我拍到佢地開片, 真係超精彩呀!!




打到攬埋一舊, 真係笑鬼死我.



 


精彩打抖短片 ~~





無買公仔喇, 做得都一般喇, 但都係唔夠可愛, 不過黃生都揀到頂帽, 個款都唔錯.



 


再次睇海獅劇場



 


知唔知我o係邊, 我第一次坐熱氣球, 有d興奮tim.





wahhhhh 好高呀, 睇得好開心!!



 


唔敢坐上去, 可以坐依個升唔上的熱氣球...好有心思.



 


無睇過ice age, 不過海洋公園幫我地影依張相都影得幾靚, 當留個念喇.