有人讚亦有人彈, 但都無影響我入戲院睇, 一開頭打得太亂, 亦發現repeat唔少第一集的場面, 不過事實拍得真係好正, 依然有新鮮感, 難得續集拍得唔差過第一集!
今次入戲院睇真係揀錯位, 前後左右都比班o靚仔包圍, 暑假就有係有咁多細佬架喇, 我隔離重竟然坐左對無大人帶的小兄弟, 哥哥around 7-8歲, 細佬都唔知有無5-6歲, 佢又唔夠重, 坐到張椅都摺埋佢patpat...(忍笑), 好在我今次都高忍耐力喇, 成場戲我都聽到唔少"點解...", 不過總算睇到套戲喇, 最抵死係黃生話後面有個o靚仔問邊個機械人靚仔d.....
其實都真係好怕同啲細路一齊睇戲...有時撞著啲冇公德心嘅父母仲死...個細路唔問嘢都自己同個細路講劇情...真係想死!!!
回覆刪除[版主回覆07/03/2009 16:27:00]唉, 有時都唔知隔離坐左個咩人, 我都遇得太多怪人喇, 鍾意講野o既真係大把, 細路講野我都無咁(慶), 大人大姐都嘈住人就真係想星佢上天!!
我都有入戲院睇呀 .... 真係唔錯 .... !!! 我比你好彩 ... 周圍冇咩小朋友 .... 只係在開場前有(全場都靜哂時)個小朋友話 "點解咁耐都未開始 ?" .... 成個場D人都笑佢囉 .. !! 套戲真係好睇 ... 我同朱生好耐都冇入場睇戲啦 !!!
回覆刪除[版主回覆07/04/2009 14:32:00]依套戲拍得真係好好, 亦好受小朋友歡迎, 有時小朋友的說話都幾純真有趣...