美荷樓呼吸冰室, 三德素食

同媽媽食飽行完志蓮淨院後, 咁啱今日又有JCCAC 手作市集, 所以有時間帶媽媽來美荷樓 - 呼吸冰室先休息下食個TEA, 之後再去見識下年青人的手作市集.

攪笑的媽媽

美荷樓外用玻璃樽砌成的環保聖誕樹, 又靚又有意思!

晚餐都係去三德食小菜便夠了, 因為食足一日真係好飽呢.

龍門樓 - 志蓮素齋

今日特別訂了志蓮的龍門樓同媽媽慶祝生日, 比了張窗邊枱位置寬落, 坐得比較舒服, 如2人多數要搭枱.

叫了個4人套餐 $688 /8個餸, 另加壽包, 都算抵食.

 
川香豆扎, 味道平庸但豆香味濃.

一碟賣相平平無奇的醬燒菌, 菌肉爽口, 醬汁味道帶點甜香, 我同細佬都特別喜歡.

 芙蓉銀耳羹, 調味略厭多了點胡椒.

 金孢繡球豆腐煲, 金針爽肥, 但相比芡汁味道無特別.

翡翠百福袋, 西蘭花太生吸收唔到芡汁味, 但福袋賣相有意頭, 豆卜皮包住什菜口感豐富, 剛好更吸收汁料味道.

 碧玉淮山丹松菌, 露荀爽嫩, 丹松菌香, 個人對淮山不太有興趣, 但整體比人感覺清新健康的食材.

炸海苔卷及栗香金瓜, 香口食物總要有, 這款亦炸得香脆可口, 南爪夠甜.

 牛肝菌白肉炒飯, 食到尾可能已經飽飽地, 無咩食慾, 不過炒飯都夠乾身, 係味淡了點, 喜歡松子增加口感.

媽媽生日當然有壽包

食得幾開心!

坐在窗邊, 環境光猛舒適

 

最令人寫意係食完可欣賞志蓮靜院的鳥語花香, 小橋流水, 心情特別舒暢放鬆, 有很多遊客亦特別到此一遊, 身為香港人都係第一次來, 實在有點遲.

 

SANTA 杯緣子

就到聖誕, 買返套聖誕杯緣子佈置下先.

心心PIZZA

今晚好sweet,食左個心心pizza, order 完送到黎先知心型係聖誕限定 @ eurogogo

MUJI organic shampoo and body soap

年紀越大, 覺得頭髮更須要護理, 唔識買咩牌子好, 最重要揀有機的產品.

平時去日本都會買D寫明有Organic的產品, 因為都知佢地唔會呃人, 但香港太多牌子, 今次試下買MUJI的有機系列, 其實平時去日本都可以買, 不過依D咁重的產品都唔敢買太多, 依家香港亦唔算好貴.

感覺都唔錯, 唔會太笠或太乾, 特別喜歡HERB氣味天然清新, 白色個支係 Cleansing shampoo 專門要黎清潔平時用洗頭水的化學殘留.

金鳳鐵板燒

黃生話好耐之前帶過我來依間金鳳食, 但我真係毫無印象喎, 你係咪帶第2個來呀...XDD

Anyway, 食依種舊式鐵板燒係有佢的風味, 例牌配白湯或紅湯, 加個招牌餐包自己搽牛油已經好回味.

再加上熱燻到黑晒的木板同鐵板, 配上大到食唔晒的雞扒, 薯菜加埋蒜蓉汁, 最喜歡的配搭!

生菇菇

竟然比我發現新買的盤栽生左隻菇菇, 都係香港天氣太潮濕了.

愛韓國菜

都係睇得韓劇多總係想食韓國菜

今晚去左尖沙咀搵左間韓國菜試, 舖內細少, 座位亦較迫, 不過行到累就求其吧.

炒牛肉粉線, 唔知係咪正中, 但食親都偏甜同較油 .

 應該係牛肉湯, 清清地又可以配埋白飯

唔知牛肉湯有白飯, 所以點了款牛肉石鍋飯

總括少貴, 無咩特別.

Haven 也日光浴

依張舒適椅想掉好耐, 但見到佢兩兄弟都好喜歡坐又攪到唔想掉.

Mee 新加坡菜

經過見到有間新加坡菜, 一於試下, 叫了款炸雞太陽蛋配咖哩飯, 賣相OK, 食物也可以.

唔記得黃生叫左D咩 XD, 好似係牛展粉.

同事屋企BBQ

耐不耐去同事屋企BBQ最開心, 今次除左BBQ重買左好多野食.

慶祝人生日之餘, 重有季季紅乳豬, 好香脆!

燒扇貝

好似花甲低色唔同

重有條無下半身的魚, 都幾好肉...XD

泰妹記

上次食完無耐, 今晚又特登黎食 - 泰妹記

喜歡生菜包夠酸辣同香葉味, 肉碎亦唔會太肥.

黃咖哩味道少少偏咸, 但味道是可以的, 配用薄餅點來吃就剛剛好了.

蝦餅都香脆彈牙, 只係略厭油了點.

是晚送的甜品, 椰奶味香, 只係唔太喜歡綠色一條條, 雖然夠QQ但望住感覺怪怪.