上星期六去左九龍灣行街睇戲shopping, 新年假期時, 除左拜年, 其他日子都係病在家中渡過, 實在浪費, 最記得天氣難得咁冷但偏偏又腸胃炎, 只可以食清淡食物填肚, 在未病前的年初三打過餐邊爐, 算係好過無吧...
雖然咁遲出去行, 但都重好有新年氣氛, 德福set左個桃花島, 意景唔錯, 留個影先.
黃生download左個iphone apps玩下, 拍攝實景變到似玩具, 有趣!!
去megabox巡舖, 之前o係千色店見到的sf新貨(如dress shop)仍未上架, 但勝在有8折. 睇左場"72家租客", 都幾好笑. 經過間電器舖做緊Wii fit plus 示範 promote, 其實本身都諗住買架喇, 咁就順便買埋返去.
o個日去九龍灣其實都係想巡 "輕鬆(鬆弛)熊專門店", 第一次到, 果真好多貨wor, 睇見都開心, 可惜真係唔敢買太大件公仔, 好在忍到手.
最後買左個袋返學用 
晚餐到ME.N.U試試, 黃生個肥牛泡菜石頭鍋飯, 少少辣唔錯.
我就揀左個什錦pizza 半份, HKD38/set 份量同味道都剛剛好. 
今日, 終於都要返學喇, 開學前當然要添置文具, 懶人最適合用鬆弛熊又名懶惰熊, 個名襯晒我, 不過最重要返學唔好懶惰!!
返學有咁kawaii o既筆袋同七彩o既文具都返得有心機d.
新一年新玩具, 今年換左套喇叭, 成套連埋上年換的電視, 襯晒順眼晒.
牌子黃生挑選, 但款式就要我approved, 揀左幾個牌子終於買到心頭好.
除去外網, 真係幾型幾滿意! 依款外網特別在無凹凸位扣實, 而係用磁力.
本身黃生對另一款都有興趣的, 但o個款喇叭最新都已經係兩年前的產品, 講真相差成兩年定會覺得質量唔夠update, 最容易聽到的音質亦明顯推得唔夠力.
買左依款Monitor Audio RX8 算唔上好貴, 講真依d玩具要幾貴有幾貴, 但最重要都係自己覺得夠, 記得舊喇叭聽某D碟如Duffy, 佢把聲真係太勁, 有d聲域真係推唔起, 曾經有諗過係咪之前新買的cd機唔掂, 畢竟只係平機, 到左依刻終於明白對喇叭真係太舊喇, 當然唔同組合都有唔同效果, 依家都係嘗試階段, 而喇叭亦要聽得多聽得耐, 音質先會越聽越靚.
換埋中置
底盤腳
奴役左差不多10年的舊喇叭希望好快搵到新主人, 因為塊拆得的網都有污同比hugo, haven抓花左, 所以都會平賣.
上個月23/1終於試到大漁鐵板燒喇, 很久前想試, 打去book竟然話full晒無位, 今次上開去按摩, 早d打去book定先!
師父o既無影手好利害, 當日見到師父一個要serve 8個為食鬼, 重有一兩張細枱都要服侍埋, 都咪話唔辛苦!
我覺得好食o既有: 鐵板燒牛油胡椒蝦, 又真係好香好味! 醬燒饅魚(廚房煮的), 牛仔骨, 帶子, 蒜蓉煮蠔 - 我不嬲唔食蠔架, 不過咁煮真係幾正! 刺身都好新鮮, 蝦天婦羅menu係無架, 都有水準的, 可自己另外order試下.
紅豆雪糕幾好, 紅豆煲得夠淋!
$150人仔任食任飲兩小時, 雖然有時會miss order, 但食物同服務都係ok的.
食後感: 食完後對比自己喜歡的韓燒, 都係覺得韓燒好好多, 其實依重日式鐵板燒主要係靠燒的時侯加些少調味, 同有醃過而燒的食物真係無得比. 但未試過點都要試一次o既.
依款咁可愛的uk產品係 dappledawn fawn rabbit families , 摺耳兔係我特別喜愛的系列, 淺棕色亦十分特別, 剛check左香港都會入貨, 大約5月返貨.
我會等你!!
上次見到Chris 自製左依款 "綠茶豆腐奶凍", 因為綠茶同豆腐味甜品都係我的至愛, 所以就返去迫黃生整比我食, 其實黃生不嬲都對我好好o既, 我想食佢都會好樂意整比我食o既...hehe
Really is my cup of dessert!!! 味道果然好好味, 不過感覺完成品質感太稀, 或者可以加多些少魚膠粉.
材料如下:
GENKI綠茶粉 5g (嗚謝同事alex sponsor)
滑豆腐 215g
鮮奶 236g
淡忌廉 100g
糖 55g
魚膠粉 5g
凍水 3湯匙
做法如下 :
(1) 滑豆腐 + 綠茶粉放入攪拌機打至滑身。
(2) 魚膠粉加凍水拌勻, 隔熱水座溶。
(3) 鮮奶 & 淡忌廉煲熱至剛沸騰, 離火後加糖 & 魚膠粉水拌溶。
(4) 分2-3次加入綠茶豆腐拌勻。
(5) 過篩一次除粒狀, 入杯冷藏一晚凝固即可。
Wow!! Lighting house又出新version, 唔同在打開間house中間唔再只係大廳, 可變成小亭院, picture one重比我見到未公佈的新產品 - 戶外長椅,小千揪同小噴泉, 個feel好正啊!!
好在我買時已經有2樓的3角位通道, 依個可變戶外的設計, 對我黎講吸引唔算大.
唔要戶外feel, 變返做大廳亦可.
3種變法.
屋內亭院聚餐, 最方便都係近廚房吧...haha
以下依間pink house, 睇清楚屋頂的瓦片原來同 lighting house係同系列架. 其實比起一般的雙層屋個外型又真係別緻好多o既!
內裡間隔好似無咩特別, 其實上層可拆出擴充地下面積!
合併後真係又大又靚wor!!
