30/7晚去了旺角超人玩具見到盒新出的奶綠色小b女盒, 隻色真係好ling, 價錢只係$59, 真係平平平呀, 唔買真係對唔住自己!
6月中去日本時見到的summer vacation版四葉妹妹話會在1/8日本發售, 但30/7已在香港見到, 香港代理真係效率快!!
黃生想買很久的第一版綾波麗已經sold out已久, 依家終於等到再版啦.
haven都特別推介四葉妹妹summer vacation version, 搵到最平的, 只售$149.
咩事hugo同haven咁o既樣??
原來兩兄弟最喜歡的昆蟲比四葉妹妹捉左!!
29/7晚去了candy姑姐家dinner, 前晚才從日本回港, 今晚便有口福了.
日本珍寶帶子, 真係啖啖肉!
飯後甜品有從大阪空運返港的 "北海道夕張蜜瓜", 可能物以罕為貴, 比起上次在北海道食的更甜更多汁, 好好味呀!!
建議cut開蜜瓜一半, 用spoon食, 否則就會漏好多汁. 同埋上機時唔好寄倉, 因為焗到好快熟.
以下就係candy姑姐送的生日禮物, 真係好感動呀, 重送咁多野比我, 姑姐, 真係講咁多次都要再講: 真係好多謝你, 你係我最愛的姑姐!!!
姑姐知我喜歡小忌廉, 重送了個kewpie的小忌廉造型電話繩比我, 其實我剛去日本時都想搵架啦, 可惜搵唔到, 真係又一驚喜呀!!
依首dream song真係令我好多回憶! 小學時, 我都真係夢想過可變成小忌廉架! 我細個無咩玩具, 但都記得曾經擁有過神仙棒同小星環呢. 到中學的同學仔, 重叫我小桃, 因為我個名有個桃字, 每次聽到都特別開心特別有feel呢
以下係我其中最喜歡睇的變身片段
28/7晚, 大熱天時, 偏偏想食大排檔, 黃生都好好, 無怨言陪我去食.
因為到油麻地睇戲, 在附近搵間大排檔, 不過水準真係麻麻, 反而黃生order的鵝片同炸蠔餅都唔錯.
是晚我簡左一套真係超正的戲, 絕對值得推介, 就係WALL.E.
一對無咩對白的主角, 可以做到咁可愛, 攪笑, 溫馨, PIXAR真係又create一套令人超喜愛的卡通!!
回到家收到hugo的birthday kiss (thanks hugo!)
P.S. actually hugo always kiss me on every night.
星期五在IKEA, 黃生買比我的禮物, 今日星期日終於送到, 咁大件, 要搵師父砌比較好...
睇住師父一件一件裝磡...
話咁快就裝埋門...
好快趣就大功告成, 我的禮物就係依個之前都介紹過的display櫃啦, 亦係放森林家族的第二個display櫃, 因為之前的柜已飽和, 所以有這個柜放我的森林產品, 真係好開心呀!
未放森林子民, 就比阿仔入去巡下先啦.
兩件貓擺設, 係咪好靚呢!
一過12點就有生日蛋糕食, 好好味呢!
我的願望就係希望一家四口開開心心, 身體健康!
切蛋糕期間 haven & hugo 在廚房門口等食, 不過朱古力唔啱你地架.
唔好咁望住我啦, 最多今晚比濕糧你啦.
多謝晒haven同胎兄弟的主人candy (links here)送了兩張寵物展的入埸卷, 元朗有免費shuttle bus正, 一於同黃生分頭去.(因為黃生要返工)
比起會展攪的多好多野睇, 有攤位遊戲, 小食區, 空地比狗跑步, 重有寵物造型比賽...
真係出奇d狗狗好有教養, 企咁耐比人剪毛都唔發皮四, 真係好乖!
依隻超級大隻的狗真係大份過成年人, 所以吸引左唔少人同佢影相.
是日的戰利品, 買了兩款天然糧比阿仔食, 唔好誤會我買骨頭比hugo同haven, 其實係買比老闆女的玩具貴婦狗--bb的, 因為依家bb都會跟埋主人一齊返工, 好好玩架, 所以買d野比佢啦.
之後搭shuttle bus去天后, 天口熱成咁, 即刻搵間燕樂居食甜品, 爽晒! (rest. links here)
重叫了個"脆怪雞翼", 好味, 本來有四隻, 食左兩隻至記得影底張相.
其實目的都係想去銅鑼灣sogo巡舖, 好在黃生叫我睇, 見到sogo大廈外牆竟然有咁大幅的森林家族廣告圖, 真係特別可愛呢.
今晚只係在sogo買了斑點狗家族, 右邊的policeman set係前一晚在popular買的.
行完買完就去"清亭燕萍"食我最喜歡的招牌菜---蒜蓉牛油雞翼, 真係超正架! (rest. links here)
特登唔食咁飽, 留肚去試新開的Ireland's potato, 真係幾多人食.
cheese味售罄, 簡左蜂蜜芥辣味薯條, 都真係幾好味bor, 值得一試!
今晚十分忙, 先去沙田IKEA買野, 順便到popular巡舖(稍後會交代收穫), 之後就去旺角買了creative speaker 同埋買足足等了3個星期才有貨的新款samsung T220 22" LCD monitor...... 終於等到啦!
看看黃生的舊 speaker, 而部舊 mon. 都係 samsung出品架. (因為未壞, 黃生建議話捐比人, 我覺得都好呢!)
換上新產品, 22"真係好闊呢!
加上之前黃生部電腦死左, 所以佢自己執過部.
依家真係煥然一新呢!
好多謝joanna的幫忙, 收到新產品swimming set, 真係好可愛呢!
今晚還在葵芳用$199買到re-ment早前的產品"褒美 special cakes for me", 因為遲了才發現喜歡, 所以市面已不多, 找到這價錢已係最平的了.
其實都已經好少買re-ment的產品了, 要買都多數買食物, 因與森林子民亦比較合襯.
剛收到mrs. bear交換的table & chair set, 因為已絕版多時了, 所以十分珍貴, 還收到額外送的米奇袋和小花, 真係多謝呀!
早前在拍賣投得的winter樂園兔, 無奈在去grinpa時得知已不再生產了, 所以都只好貴點都買.
