星期3晚幫阿妹去深水埗買notebook, 之後去左小菜王晚飯, 都不知食過幾多次, 介紹依度幾多次, 但真係好味, 自己想做多次記錄吧!
唔係成日都有的凍海螺, 新鮮爽口.
食左一半先記得影的沙薑雞腳, 今次失水準, 煲得唔夠淋.
豉椒炒蜆, 夠野味.
小食拼盤, 樣樣都咁正! 尤其百花小棠菜(最上), 香脆可口加上小棠菜的配合, perfect!
珊瑚蚌炒西蘭花, 爽口的配搭加上鮮味的珊瑚蚌, good!
次次食小菜都必點的椒鹽牛肚魚, 今次真係發覺佢差左喇, 其實之前黎都以為係一次半次失水準, 但發覺佢炸得無以前咁好食, 太乾, 無九肚魚滑肉的口感了.
有黃生表弟突然join埋請客, 是晚4百幾.
WOOO~~~ 表弟萬歲!!!!
回覆刪除[版主回覆09/05/2011 15:38:00]好在有人請, 唔係就你請喇...
我想食"小食拼盤", 一碟菜有4款超正!
回覆刪除我好多好多年前都有去"小菜王". 但次次都係冬天打邊爐. 依家住得遠, 加上深水埗無嘜車可直接返屋企. 所以都唔會去. 只能睇吓你D相, 幻相吓 , 好好味!
[版主回覆09/05/2011 15:41:00]係呀, 有時食野都要睇就唔就腳, 你o個邊有咩好介紹呢. 講起冬天打邊爐就口水流, 不過依家都好, 要食都隨時食到, 不過我真係好想bbq, 但依樣真係頂唔順, 依家太熱喇, 真係要涼返d先得.