沾仔記, 大戶屋

聖誕日, 行到邊食到邊, 在中環時, 好多食店都無開, 但都搵到間沾仔記, 好多外國食客去食, 其實我都係第一次, 食店人員特別有禮貌, 尤其收銀的阿姐, 對每個客人都非常有禮, 未食野已經賓至如歸, 我同黃生order左牛肉麵同雲吞麵, 牛肉食得出用生粉(葉)過, 所以夠淋唔un口, 可惜湯只飲得到鹼水味, 並無牛味.

雲吞麵有3粒大大粒雲吞, 鮮蝦爽口, 以上兩款都只係$20/碗, 麵都唔細碗, 好奇依個年代依個地區點解會有咁抵食的餐廳, 我估間舖可能係自己舖位吧, 唔係的話一早比人加租加到一係只能加價, 一係就迫到無得做.






6點鐘去到銅鑼灣, 即刻搵左野食先, 唔係實有排等, 又搵左間第一次試的大戶屋, 前菜食薯仔沙律, 張相好似好細碟, 只係甘係蚊有依個份量都幾抵食, 我記得之前o係另一間日本餐廳食, 唔夠幾啖就食晒.

order左個吉列雞扒set 同 散叫 蜆肉蒸飯, 前者不過不失, 麵鼓湯料足, 但湯只用粉溝, 蜆肉夠味, 但飯食得出並唔係用蜆肉煲出.
睇依間openrice食評好好, 可惜食唔到有咩特別.

埋單$17x