充實的聖誕節

25/12 聖誕節, 一個收穫最豐富的聖誕節!

好耐無出中環,銅鑼灣, 一出中環竟然見到有架客van瞓左o係十字路口, 重好多人圍觀呢, 好在返屋企睇新聞無咩事.

依日好充實, 先在中環ifc行陣, 每年的聖誕佈置感覺係最特別同最有聖誕特色設計的, 依個巨型聖誕老人搬聖誕禮物樹, 好有創意!!

之後過去會展的聖誕書展, 今次有樣好特別的收穫, 會再開post詳述.

跟住晚飯後就去銅鑼灣, 好耐無黎喇, 去到sogo買唔到森林家族年曆有少少失望, 不過好在今日總算有好多其他收穫喇.

經過wtc mall, 見到個聖誕佈置好金好閃, 好有天堂feel.