買花生糖送巨輪

之前因為一套巨輪, 令我周圍搵花生糖食, 本來都特登搵鉅記買花生糖架, 不過去過幾次都無貨, 重要勁貴, 都係賣完廣告關係吧.

算喇, 元朗都有一兩間有名氣的新鮮製花生糖店, 電視都介紹過幾次, 買過兩間, 小店有時會見到佢炒花生糖, 不過我對軟糖不太喜好, 佢都有賣硬的, 但勁甜, 我咁食得甜都話甜, 可想而知... 而且感覺似出面貨, 唔似自製. (下左:軟糖, 右: 硬糖)

過對面舖試, 有時剛巧新鮮出爐, 暖暖的硬花生糖, 正是我喜歡的, 甜度適中, 花生香脆, 就是你了!!

另外在實惠後行都有間, 不過買了米通同 特別用芫茜做的蛋卷, 我最喜歡芫茜味了,前者不錯, 但後者不夠芫茜味亦不夠蛋味, 可惜.