有趣回憶 -- 男士的玩意

高達模型一向係男士的至愛, 等如我愛森林家族一樣, 玩模型的嗜好細至我brother, 大至我老公, 真係無分年齡架.

記得幾年前的一個晚上, 發生了一件事, 雖然我不在現場, 但聽了後都覺得幾攪笑抵死.

我妹妹告訴我這晚是本應去grandma屋企食團年飯, 佢叫細佬(8-9歲)去換衫出發時, 佢好唔開心咁同我妹講......

細佬:[家姐, 我好唔開心呀... ]

妹:[發生咩事呀]

細佬:[媽咪今朝掉我d玩具呀..... 我唔見左高達隻手呀......]

覺得奇怪的妹:[咁你成日周圍玩完玩具又唔執, 所以咪咁lor]

---晚飯過後---

由於這晚天氣寒冷, baba , mama 同妹都一齊在床上好溫暖的看電視時, 細佬都重o係冰冷的地上依依哦哦:[ 我唔見左高達隻手呀.....好慘呀.....唔見左....] 重覆又重覆, 攪到mama終於發火, 我阿媽容忍到極點就會爆啦......

mama:[你嘈夠未呀, xo$^&*......)(唔好晤會係嘈口, 只係d一般鬧仔的說話)

細佬:[咁你整唔見我高達隻手麻.....] --- (又長氣又沈氣又可憐的語氣)

mama:[(咁我斬左隻手比你(痴)返上去啦, 得未呀!] --- (又開始失控咁爆鬧)

細佬比阿媽鬧到哭住講:[你隻手咁大隻, 都唔啱用....] --- (又會咁有sense)

忍唔住的阿爸終於出聲啦:[好啦, 好啦, 唔好嘈啦, 聽日baba買過隻手比你啦...] --- (唔係化!)

無奈的細佬又答:[ 出面無得淨係買手架, 你唔想買就算啦, wowowowo.....]

 

 

 

後記:  我聽完之後都有點無奈--我就係o係依個愛生士家庭成長, 不過又攪得好好笑--事實依個家庭有好多歡樂的事情發生.