東京賞櫻薈 day3 - 9/4 (IIIa) 南船橋駅- 森林家族餐廳

今日最後一站就係黎到千葉的南船橋市, 點解走到去咁遠, 當然有目的喇...

要黎真係話咁易, 由東京駅轉京葉線蘇我(Soga)方向, 坐快線半小時就到南船橋駅, 一出閘已經見到指示到Lalaport方向, 只要步行5分鐘就到.

 

 

沿住依條路直去再右轉上橋, 圖中左面已經係大大間IKEA, 其實好鬼想入埋去, 不過行Lalaport個商場都有排行. 

 

 

真係好快就已經到達

 

 

山長水遠為咩要黎, 咪就係為左巡依間新開的 Sylvanian Kitchen.

 

 

 

依間有buffet食架, 本來都諗住食o既, 不過最後都無食到.

 

其實當日o係依個大型商場周圍行, 行到依度都已經好夜, 所以見到出面隻Ivory rabbit brother已經比射燈照住.

 

廚窗的Jumbo Chocolate rabbit sister 食緊豐富的晚餐.

 

心急心急, 入去睇睇先, 老實講句, 大部份貨都同吉祥寺的森林餐廳無異, 不過如果吉祥寺無貨都可以黎依間買, 因為暫時始終都少人黎.

 

不過講多講齊始終都係吉祥寺優勝d.

 

比我發現新大陸, 有間好正的收納紙箱, 不過打開真係好大件, 到時都唔知放邊好, 最後都係無買到.

 

最後買左少少的戰利品.

 

到南船橋駅Lalaport的資料:

〈電車〉 JR京葉∕武臧野線南船橋站下車步行5分鐘京成線船橋賽馬場站下車步行10分鐘※均有免費接送車。

l   JR京葉線快速Keiyo Line Rapid : 蘇我Soga方面 (4駅 乘車約26分) --- 我坐依條線

l   JR京葉線keiyo Line : 海浜幕張行 Kaihin makuhari方面 (9駅 乘車約34分)

 

今個trip的森林家族戰利品.