3/10(星期五)國內同胞國慶放假, 所以我都要同黃生一齊放一天大假咁大把, 瞓到晏晏都重未諗到去邊, 終於臨出門至決定, 首先梗係搵地方醫肚, 平時都無咩機會同興趣同人爭, 今日一於要去酒樓飲茶食點心歎報紙. 心情實在relax!
即興諗起之前黃生想去唱K, 是日行程第2站一於去唱個飽.
嘩! 實在抵抵抵, 2點半去到neway, 每位只係$59/位 再加一, 食埋3碟小食都只係$40/, 例牌每人包2杯飲品, 埋單都只係百幾蚊, 重要唱到6點幾, 真係平日至有咁抵lor, 實在無黎錯!
唱到飽晒, 就去行陣街, 無咩想買, 又諗食咩, 黃生都係想食元氣, 都好, 起碼食物夠新鮮麻.
先食左碟鰻魚(no photo) - good, 鰻魚重有燒過的味,
墨魚咀 - 唔錯, 不過我個人喜歡雞軟骨多d,
海膽 - 我個人係未試過o係香港食uni, 今次叫都有d掙扎, 好怕會又腥又難食, 破壞晒我在日本美好的記憶, 不過出奇的係, 味道竟然都好fresh, 一d都唔腥, 只係我會prefer食刺身多d, 因為連飯入口, 真係唔能夠試真uni的鮮甜味, 下次都係要搵間有口碑, 買番一板食先得!
以下3碟我只喜歡海腦同帶子, 最左邊的白色唔記得咩魚我無興趣, 黃生自己食晒.
下面依碟好似係小玉, 味道口感都好似帶子, 正!
日本紅豆雪糕, 唔洗多講, 梗係好食啦!
last friday經過旺角, 食過多次GINDACO燒墨魚丸, 因為真係超好食, 我諗都算係香港最好食!
買個set, 叫了個玉子燒墨魚丸, 丸子外脆內軟又好味, 試過一定愛!
Delicious~
回覆刪除[版主回覆10/04/2008 23:59:00](Empty)
我記得有次去香港的時候有吃過這這tako ball，超級好吃的！好懷念那個味道噢，真想吃啊.......
回覆刪除[版主回覆10/05/2008 00:00:00]果然識食bor!
嘩 ~ lunch K 好抵呀 ! 我都好耐冇去唱 K 啦, 下次約埋一齊去唱餐飽啦 !
回覆刪除海膽係我既至愛, 每次食日本野都會食架, 當然日本食會FRESH D啦 !
你介紹既呢間墨魚燒我想試好耐啦 ! 不過冇人同我去食咋 ! 我朋友話呢間野SUPER好味道呢 ~~~
你呢日假期真的好RELAX, 都係食、食 & 玩、玩, 哈哈哈哈 !
[版主回覆10/05/2008 00:09:00]haha, 平日唱真係超抵, 重唱到真係夠晒喉呀!
我都估唔到香港都有咁fresh的uni, 味道真係已經好正lei.
間燒墨魚丸真係好正, 其實我上次都係叫左4粒裝咋, 你一定食得晒, 因為真係好好味!
依排雖然都有平日的假日, 不過工作反而會更忙, 放左日咁relax的大假, 心情都真係舒暢好多!
好開心呢!係咁狂食!都是我最愛!
回覆刪除[版主回覆10/05/2008 00:09:00]welcome u!
食到好味o既野, 真係最滿足呀!
唱k? 正呀~ 我最鍾意唱k..聽日豪哥都陪我k 呢~
回覆刪除[版主回覆10/05/2008 00:11:00]haha, 原來小欣都喜歡, 真係要唱飽至high, 有時假日去唱真係唔夠喉呢.
yes~ 我好鍾意唱k 架~ 豪哥叫我 k 精...哈~ 不過如果唔駛返工, 我平時會星期一去唱k 架~ 可是唱好耐架~ 我上次係ceo 由12點唱到四點呀~ 好抵~
回覆刪除[版主回覆10/07/2008 00:57:00]haha, 我今次都係唱左4個鐘, 真係好抵, 所以平日去真係好jetso!
點解我唔知旺角有間咁正的墨魚丸店ga? 好out 呀!!
回覆刪除請問近住邊度ga呢?
[版主回覆10/07/2008 01:01:00]就係旺角山東街40號, 都係在大街的, 好易搵架咋.
另外沙田的一田的food court都有依間舖架.
下次唱k呀~~個個都有興趣, 一定好好玩呀 不過neway無咩歌好唱, 新果d我又唔係好識喎~ 唉! 我變咗死老餅啦
回覆刪除[版主回覆10/07/2008 01:05:00]真係個個都喜歡唱K bor, 不過我覺得假期前去唱都好唔抵, 但唔假期唱, 第日返工又頂唔順, 真係好頭痛!!
你得閒聽下收音機就識新歌架啦.