昨晚去megabox巡舖後, 去左"越式"食野, 食物都算ok, 職員禮貌都有, 但餐廳有好多吉位, 我地都要同人share枱, 到格離枱有人走, 點緊菜時我地坐過去, 但之後先走黎同我地講"唔好意思, 有人book左枱", 但我地食完晒都無人坐過lor! 我都知佢想留位比其他多人黎時坐, 不過咁o既行為實在令人客反感.
蒜蓉炒西蘭花, 其實都幾好食, 不過40幾蚊咁貴之餘, 重要得o個幾舊.
炭燒豬扒撈濛, 都係好香炭燒味.
見到好似好好味的牛油雞翼, 不過原來得個樣, 無味之餘, d炸粉重要得個硬字.
食完返德福行ikea, 買完野見到有個咁大的halloween佈置, 真係好有feel.
影佈置時幫人影合照, 所以佢都幫返我地影.
上次同blog友食過"金滿堂"幾好食, 所以帶埋黃生去試, 我依個係金玉滿堂, 有生果雪糕紅豆同珍珠, 個底重有豆腐tim, 真係好正好食, 啱晒我鍾意咩都有.
黃生叫左個芒果椰汁清心丸, 我試左啖覺得麻麻地, 都係我簡o個個好味d, 連黃生都係咁(筆)我o個食tim.
昨晚放工到地鐵站門口時, 見到有好多人睇一檔小販, 平時我都唔多理的, 今次心情好過去睇下, 見到前兩晚阿蘇介紹的益智遊戲, $20/個, 買個同黃生玩, 都真係幾好玩, 搭車時可消磨時間.
沒有留言:
張貼留言