冬之北海道 31jan2009 day1 - 札幌

31jan2009 終於出發去北海道, 今次冬天去係為了睇落雪, 一行4人包括我, candy姑姐, kathy表妹, 重有kathy的姑姐一齊出發, 依次坐hong kong express, 因為係比較細的飛機, 要坐shuttle bus出機場中間上機, 可睇清楚機外的機身同引擎, 都係一種體驗.

 

機艙細細, 只係3+3坐位一排.

 

差不多11-12點至起飛, 之後飛到雲海上的景色, 每次都係咁靚.

 

過多陣, 太陽開始下山, 另一個醉人的景象.

 

只係5點幾, 北海道已經天黑, 第一站重臨札幌市拉麵橫町, 感受好深, 好回味.

 

落機餓餓地, 梗係要食碗正宗的北海道拉麵喇.

 

今次凍冰冰食碗熱辣辣的麵豉拉麵, 真係超正! 但亦令我諗起年半前黎時, 食到標晒汗, 又實在攪笑.

ho si !

 

食完行陣街街, 途中見到隻jumbo版的燒丸子, 可惜食得太飽, 無緣嘗試, 唯有下次吧.

 

normal size係下圖的下方, 相比jumbo size 真係超大呀!

 

食完返酒店, 第一晚住札幌LIFORT, lobby夠大, 但...

 

始終係市區, 間房都係細, 但都乾淨企理.

(市區酒店, 多數無溫泉, 依間亦唔例外)

 

返酒店前o係100yen店的小小收穫, 每次去日本例必買當地的calbee薯片, 特別愛濃湯味, 平時o係香港買都要13-14蚊包, 100yen店比便利店平好多, 只要105yen, 便利店就要158yen, 其實香港唔係度度有得買, 亦會時常斷貨, 所以都係要買返酒店當宵夜食, 開心下.

 

另外o係便利店買的fruit cake, 每次都會買返酒店食, 真係每次食都係咁正!