冬之北海道 4feb2009 day5 - 雪上電單車 & 戰利品篇

Last day喇, 又o係自己住的菓子王國影影外面的景色先~

 

去食個早餐, 把握時間去商店買埋野, 又要準備出發.

 

依日天氣真係好好, o係咁好的陽光下玩雪上電單車真係最好不過!

 

首先要經過簡單的上堂講解

 

無牌o既我都可以載埋kathy表妹出發, 估唔到我第一次揸車係咁刺激架.

 

出發喇, 經過一片雪地美景, 好在天氣晴朗, 一路開住車都唔覺冷風吹得刺面, 感激天公造美.

 

首先會跟教練行過這個雪白又遼闊的雪地峻嶺, 眼中的美麗景象, 到現在想起也覺難以形容!

 

到達雪山上一個瞭望市區的最佳位置, 背後的景象, 一望無際的市鎮盡在眼前.

 

今次的經歷令我深深感受到雪景係可以靚得咁緊要, 揸車的經驗亦給我好多開心刺激的回憶!

 

玩到滿足晒, 又到食野的時候, 今餐午餐食鐵版燒, 當然唔少得添加松阪牛, yummy!

 

日本鐵版燒都會戴上口水肩

 

之後o係餐廳附近的bakery shop買左好多小食做手信, 其中簡左依款平平無奇的雪人餅, 原來甜甜地, 好好食架!

 

另外重簡左d細細件飽, 返到香港第二朝烘返黎食, 雖然牛角飽烘到濃濃地, 但都一樣咁好味!

 

食完野, 最後一站係千歲outlet, 行完買完之後就去機場喇, 機場的免稅店無變過, 小得可憐, anyway, 依個行程我已經玩夠買夠, 係食雪糕食唔夠, 因為出面真係太凍喇, 買返杯食先, 好好味呢!

 

感謝黃生11點幾黎機場接我, 你第日重要返工, 真係辛苦晒!

今次除左個喼外, 另外有個黑色行李袋(無影到), 重帶多一大箱野返黎, o係日本過關時好好笑, 個關員問我個箱係咪買gundam, 我笑住話唔係ar, 其實我想同佢講: 我買依箱係森林家族黎架... 當然我無講喇, 因為我根本都唔識講日文, 真係要學下d基本語同埋"森林家族"點講至得!

 

是次收穫, 食物篇 - 今次夠晒分, 重帶到我心愛的日版calbee薯片, 太感動喇!

 

雜物篇 - 又買多張氈返黎, 不過今次outlet搵唔到靚d o既款式, 買住張淨色的, 原來有啪鈕, 可多用途咁被上, 最開心買到咁可愛的小企鵝, i love penguin!

 

最後當然有我的森林家族戰利品, 雖然買唔到好想買的特有產品, 但都買了些新貨, 最開心可以帶埋house kitchen回家, 可以日日見到你實在太好喇!

 == 滿足的旅程 - 完 ==