上星期六本來返公公度慶祝父親節, 但出到沙田行一陣已經收到電話通知嫲嫲入左醫院, 所以都要改變行程...
o係沙田試下博多o既下午茶餐, 日本食就好正喇, 但香港o既真係好唔掂, 叫左個炸雞獅子狗天婦羅烏東配餃子, d炸野放上湯已經係大忌, 浸到淋晒, 不過黃生話烏東其實都幾好, 有d似o係日本食的感覺. 我order左豬軟骨雲吞拉麵配燒墨魚丸, 除左個拉麵係幾好之外, 其他都差勁, 個湯得個咸字, 軟骨唔軟, 墨魚丸重差過百佳燒o個d, 連個皮都淋o既, 最勁係個雲吞, 咬左啖有d好怪o既味, 完全擺唔到入口!! 以後都唔會再黎!!
探完嫲嫲就返上水廣場搵間餐廳食就算, 2人餐$119有3個餸, 3個唔大食的人食都夠, 食物有水準, 餐就唔係太多餸選擇, 另外叫小菜會多d款式, 食野時聞到隔離枱碗米線香到不得了, 下次要試下先.
特別order多個my favorite 椒鹽九肚魚, 炸得香脆, 只係可惜裡面無味, $29/ 碟, 不過都好細碟下.
呢間野超唔好食架, 我都唔會去 !
回覆刪除你嫲嫲點呀 ? 冇事吖嘛 ?
[版主回覆06/22/2009 13:11:00]真係無諗過咁唔掂, 咁都可以o係沙田生存咁耐...真係服佢law.
多謝關心呀, 依家d公立醫院真係好唔掂, 星期六,日就無醫生巡房, 得個唔知做咩的當值醫生, 探病時間又短又見唔到醫生, 我阿嫲入左兩日醫院都未清楚佢發生咩事要留院, d姑娘話會叫醫生今日覆我地wor...