話咁快今個trip最後一日, 前一晚去夜市都係為左想再買窗簾, 可惜問過酒店staff, 都係建議JJ market 或我第一日已經去過的Platinum, 後者已經睇過無我想要的, 前者係人都知只開星期六日, 所以令我好擔心, 最衰係我只記得買廳的窗簾而忘記了房的, 心諗, 今日係星期五, 會唔會都有可能開舖呢, 結果皇天不負有心人, 旅遊書正好有介紹JJ mall有窗簾舖, 只休星期一, 真係興奮到不得了!
10點幾一早黎到, 無論JJ market 或JJ mall都唔係所有舖都開, 但都開左6成以上, 星期六日黎唔到都值得一到, 最重要有我想買的窗簾!!
見到喇, 好興奮tim, 其實頭先經過JJ market都見到買開的窗簾舖有開, 不過都想黎依邊睇睇, 自己都未黎過依邊, 有冷氣行得當然舒服好多.
依間d窗簾好靚, d料厚身d, 遮光會好d, 掛o係房啱晒, 650b/幅.
依間都唔錯, 買左幅掛雜物房.
窗簾 around 550b/幅, cushion cover 100b/each
臨尾都係決定買埋依set滕球燈就走喇, 180b.
bangkok機場
到機場的一餐
買埋芒果糯米飯返香港歎, 但返到香港等拎行李時已經忍唔住食埋, 好好味!! 貴d都抵 150b.
今次的收穫都算唔少, 好滿足!
最滿足買到全屋的窗簾, 終於可以換窗簾喇!
依箱林真香成8kgs, 嚇到我驚會上機over weight. 買左around 2200b, 夠晒分手信.
JJ market買的手飾掛盒, 滿意! 自動減價後650b.
黃生即刻幫我鑽牆掛上.
窗簾要等幾耐先拎到?
回覆刪除[版主回覆10/10/2010 01:58:00]唔洗等, 佢全部都係現成的, 部份可揀唔同size, 長d貴d... 如果窄封我會買多幾幅, 即係例如我個廳就買左同一款4幅, 睡房就買2幅咁....
香港整 窗簾好貴, 我去ikea 買 窗簾一間睡房都500 幾蚊.
回覆刪除[版主回覆10/11/2010 09:31:00]今次去泰國其中最重要都係買窗簾, 3年前買過一幅, 掛出黎好喜歡, 最重要佢泰式款式同顏色, 第2度平的地方真係搵唔到, 我試過去深圳窗簾城都無, ikea我都成日去睇, 當然都無依d款式, 我都有諗過將就揀ikea的款, 不過報完價要成9百幾(我廳隻窗好大, 所以都貴d), 貴都算, 個款又唔係話好鐘意, 所以最終無買, 不過都好在無買, 好開心再去泰國買窗簾, 整好再影比大家睇. 由於d窗簾係現成, 所以都要拎返黎比人加工, 不過我比奶奶車, 可以慳埋依筆錢.
睇完之後我真係好想去一次.....特別係華欣.....resort真係好正!!
回覆刪除[版主回覆10/11/2010 09:34:00]說實話, 華欣真係無咩玩的地方, 不過過下d悠閒的生活, 加上咁舒適同靚view的酒店, 咁先係享受! 同平時去日本shopping, 睇名聖, 完全係兩回事.
我未去過 JJ Market .... 下次都要去睇睇 .... !!! 你呢個旅程好豐富喎 !!!
回覆刪除[版主回覆10/20/2010 10:56:00]JJ market 又焗又熱會行得辛苦d, 我去華欣前已經去左次, o個日一早10點幾到(話開10點)早少少去會無咁熱, 隔離JJ mall就有冷氣嘆, 不過前者實在好大好多野睇, 真係咩都有, 所以辛苦都一定要行.
我最開心係買到咁多野, 3年前買左幅窗簾, 3年後都係要去返JJ market度買, 因第2度真係搵唔到咁靚亦算抵的窗簾.
嘩~ 你就好la...個手飾盒好靚ar~~ ^o^
回覆刪除[版主回覆10/20/2010 16:40:00]ok la, 香港就真係唔多覺有依d款.