唔知各位平時行街shopping時會唔會有咩不愉快經歷呢?
上個星期我行聯合其中一間boutique時, 好老實, 睇啱件衫都要問下幾錢先, 太貴就唔值喇, 有d舖就係喜歡唔show價錢, 比人覺得好似海鮮價咁. 咁我就問幾錢喇, 佢背住我答就繼續同個客傾得好開心, 但我聽唔到咪問多次, 佢就無好語氣講多次, 我睇完唔啱比返件衫佢, 佢望都無望我就單手拎返衫放埋一邊, 依個都算無咩點...
另一單係我去元朗千色廣場行街, 見到一間舖show 左隻boot幾靚, 咪入去睇下另一隻係點, 入面另一隻係反摺左落黎的, 咁我咪反返直睇清楚個款喇, 同時問佢幾錢, 佢一邊答我一邊就拎返我手上隻鞋, 重要即刻摺返落黎wor, 唉, 洗唔洗咁呀, 我o個日係著得casual d, 但都唔洗睇唔起人架. 本來個客想買, 但見到咁都唔想比生意佢喇, 到頭黎損失o既又係佢自己.
兩件事雖然都唔係話好差好厭重, 我妹反而見過更差的, 佢去過間舖話無貨要等第2間舖拎黎, 但等太耐所以放棄, 點知個sales唔比佢走, 重企係門欄住佢, 當然見到咁我妹照行無理佢喇, 唔通咁o既態度重幫襯佢咩, 一行出門個sales就咩人老母喇, 我妹都好冷靜, 照無理佢, 覺得無須要同佢一般見識, 佢大聲罵粗口係佢無教養, 比人見到亦樣衰, 你同佢一齊鬧咪同一類人.
有時我都明一日咁多人, 實有d無聊的客, 但你打開門做生意, 係咪要有應有的服務態度呢, 唔洗話好好/好nice, 但起碼唔好做埋d比人覺得你無禮的行為喇, 咁咪棧你做得唔開心時, 亦無客人想去你度幫襯你.
不過我亦明依家太多人工作有怨氣, 實會再遇到依d情況, 所以自己都真係要學識睇開d, 無須要對依d事介意.
坦白講.. 而家連d大百貨公司d服務態度都差左好多.. 買幾仟蚊野多謝都無句.. 我上次行boutique個sale係大陸女人.. 同老闆講電話鬧交添 .. d自遊行問佢有無得打折.. 佢即刻叫人放低件衫.. 我而家寧願上網買衫好過
回覆刪除[版主回覆10/20/2010 16:50:00]講真, 咁我洗得幾千我覺得好多架, 都希望買得開心, 有時都無奈遇到無禮的sales, 但起碼大公司多數都ok o既, 所以都無咩試過無禮對待.
唉, 見到唔友善的sales佢唔出聲我都會自動閃, 無謂浪費我時間, 影響我心情.
話時話我都成日上網睇衫, 不過試過買一件平平地真係質料款都麻麻, 你有無咩經歷同介紹呀??
通常態度惡劣我都唔會幫襯佢, 而家第二度冇得買咩? 同埋講真, 我自問對呢D服務性行業的人都幾有禮貌, 唔該前唔該後, 但佢地都係咁的態度, 更加唔駛幫襯
回覆刪除[版主回覆10/21/2010 09:21:00]咁又係呀, 我都自問好客氣對服務性行業架, 唔會好似某d人買野就覺得不可一世, 尤其體量空中服務員, 佢地企咁多個鐘又要serve客, 又要做咁多野, 可能我睇過本空中小姐寫的書, 見到佢地應付好多奇怪同無禮的客, 令我更加體量佢地平時所受的屈氣.
你講開空姐, 我遇過兩個空姐明顯地對中國人態度較差, o個刻我自己對佢地都有少少態度惡劣, 但總括來說, 如果佢地態度好, 我一定會有禮貌囉
回覆刪除[版主回覆10/23/2010 12:21:00]你亦講出另一個事實, 有某D人又真係對返自己國家的人有歧視, 幸好我都未遇過以上情況, 唔係我都會擺出無禮的態度. 總言之, 你點對我, 我就點對待你喇.