返左香港喇, 繼續post埋個韓國之旅先.
遊Teddy Bear Museum前, o係東大門酒店附近的早餐, 無特別好食, kimchi亦唔夠前一晚的餐廳好食, 雖然食物一般, 不過都算係韓國菜喇.
雲吞烏東
炸餃子
kimchi炒飯
講返行完Museum後, 落返之前行上的一段小路, 搭的士落去明洞行街shopping.
今日明洞霧霧雨, 時大時細咁, 都唔大問題, 無影響心情行街.
街頭默劇表演
行到咁上下, 入krispy kreme食donut
重order左杯勁大杯的沙冰, 其實佢面頭係冰, 下面係milk & red bean, 加埋味道同紅豆冰味一樣.
街邊小食
o係地下商店街, 行到去lotte 百貨food court, 食物係唔同d
真係未見過鮑魚kimchi
重有成隻蟹kimchi
行行下, 竟然見到頭先上去都睇唔到的 N Seoul Tower 的塔頂.
又行到廢腿, 是晚去旅遊書"正文社"推介的"那度香" 食韓燒.
書內推介右面的鍋大約有辛辣麵, 午餐肉, 香腸 等, 看似平平無奇, 食落辣辣地又好鬼知味!!
此鍋已經係2人份量, 見到真係流晒口水, 亦真係幾好味!!
還order左3份beef ribs (@30000won一份下圖份量), 果然係好正好嫩口的韓牛!! 另有一份豬肉片, 咁就成為16萬won.
我亦o係依個trip內唯一一餐同老闆講"媽之梳"(好味的韓文), 老闆娘聽完不知幾開心咁歡送我地... 緊係喇, 食左千幾蚊wor...
是日明洞的收穫, 都算唔錯.
有幾間出名的化妝品店的甲油同唇彩真係幾抵, 我都買左幾支.
你好！
回覆刪除請問你對森林家族 Grinpa的限定版「木炭貓一家」有興趣嗎?
依家「木炭貓一家」空降香港!!!!!!!!!!
詳細請看以下網址：
http://hk.myblog.yahoo.com/kelly9047/article?mid=2463
[版主回覆07/17/2011 17:54:00]haha, 多謝晒你通知先, 唔知有無記錯, 香港都曾經出過, 不過我再之前o係日本買了, 依家就等佢出有brother & sister 的一家四口呢.
其實我是玩森林家族的新人~
回覆刪除加上沒有去過日本買森林家族
所以我沒有「木炭貓一家」~
你真係好勁！
擁有許多的森林家族!
[版主回覆07/18/2011 00:59:00]oic, 其實我依家都少買左sf, 主要真係無咩位, 要買都買d真係好喜歡的產品.
唔算買得多喎, 我上次去韓國見到明洞的化妝護膚品咁平都發晒癲咁買, 到今年都重有剩
回覆刪除[版主回覆07/18/2011 01:10:00]haha, 貴精不貴多麻, 而且平時我無咩化妝, 反而留返last day去機場買雪花秀護膚品.
我依d唔係好識唔敢亂買. 我妹之前都比左d韓國mask比我, 就係佢同事見人買佢又買, 點知麻麻地wor, 所以比我膚手lor.
講到食物，我都係鍾意日本o既食物多啲
回覆刪除[版主回覆07/18/2011 10:40:00]我地都一志應同, 都係掛住日本的美食!!
多謝你這幾日的分享, 我日日追 , 自己無去, 睇相都開心
回覆刪除我自己覺得你今次自由行D行程OK! 我多年前曾去韓國, 參加團, 評語係無嘜好玩, 好悶! 但睇你D相, 自己去好似唔難喎, 同埋都好多嘢啱睇.
[版主回覆07/18/2011 12:45:00]好感謝你的支持, 有你日日追已經好開心呢!!
講真, 十多年前去韓國時我都係跟團, 可能o個時係第一次去旅行, 雖然無咩買同玩, 但剛好識左班要好的團友成為朋友至今, 算係最大的收穫.
而今次自由行去, 睇人講話好容易, 如果你只係去旅遊區係唔大問題, 地鐵亦容易搭過日本(我覺得), 但除左sales普遍識國語之外, 的士司機同一般人都比較難溝通, 佢地真係連丁點英文都唔識架, 大學區內就好少少.
以前d人話o個邊d野好平好抵, 今次黎已經唔算喇, 只可以話同香港差不多, 不過我o係依個trip都搵到唔少樂趣同收穫o既, 最緊要有enjoy的心情麻.
咁耐無去o既, 都可以試下plan自己去, 尤其買美容產品呢.