shopping大豐收@葵涌廣場

好多人都知葵芳有個葵涌廣場好受女士歡迎, 因為平野多款式多, 噚日表弟婦返香港, 每次我都會帶佢shopping, 今次就行下依個地方.

同佢傾開新加坡d野真係好貴, 佢睇過有對鞋, 香港真係平一半有多, 所以香港真係購物天堂, 就算我剛去完韓國返黎, 都發覺部份韓國物價同香港已經差不多(除左化妝品), 所以洗嘜去第2度買野呀.

大家都有唔少收穫, 依隻咁o靚的心型閃閃碗, 我同表弟婦都買左隻.

真係好靚, 一睇見已經好喜歡!! (buy in 新都會廣場格仔舖)

 

買得最多係首飾, 表弟婦重送右邊條頸鏈比我做生日禮物, 真係特別開心!!!

 

睇左好耐都唔捨得買, 終於買左個皮袋, 實在幾喜歡個款, 重有d皮味真係好勁.

(多謝黃生!!)

另外重買左件衫同鬆弛熊產品, 女人真係行o個時就唔覺累, 到今日先知真係行到腳軟.