萬發小菜

星期日行足成日, 夜晚約左一班人去石硤尾 - 萬發 食小菜.

冷盤 - 豬手, 都唔錯, 算入味.

 

我的招牌菜 - 椒鹽九肚魚, 味道不過不失, 係唔夠脆同肥美jet.

 

豬潤乳鴿煲 - 我無食, 係見其他人話好味.

 

啫啫通菜煲 - 一上枱就咋咋聲, 真係滾住黎, 味道真係幾好, 好有穫氣.

 

蔥爆魚鮫, 我喜歡食魚鮫, 所以覺得真係幾好, 味道亦夠香, 係爆得乾左d.

 

西檬雞, 酸味適中, 我怕酸麻, 所以算幾好.

 

魚湯, 一飲已經腥, 失敗.     湯喳另上, 可點附上的辣豉油.

 

蒜蓉粉絲蒸扇貝, 依個都有水準, 有爆油, 夠香夠鮮.

 

是晚好似6百幾埋單, 食物係ok的, 不過我唔好彩, 一入門口只係另轉背關門(習慣有手尾唔想走冷氣姐), 另返轉頭就比個侍應隻碟撞到手臂, 佢都有say sorry, 我見都係d油姐, 點知原來下面成條裙都係, 真係黑仔, 算喇, 咪去洗手間沖lor, 好在都沖得到. 

依刻o係度諗, 我行早步 / 行遲步 或者 我唔理隻門無關就入去就唔會咁黑仔喇, 不過又可能發生其他意外吧... 彩! 大吉利是!