早一個星期book左星期六去海運睇2d版Transformers III, 真係好耐無去咁大戲院睇戲, 香港都無剩幾多間喇, 特登book依度睇都係為左睇2d版, 起碼唔會暗濛, 套戲特技不容置疑, 拍得好精彩, 只係內容剪接感覺散亂, 無頭兩集咁順暢, 睇到第三集其實覺得足夠了, 新鮮感沒有了, 反而回家睇返第一集有返當時第一次睇佢變身的驚嘆感.
上兩集的女主角唔聽話比人飛左, 今次用victoria's secret御用model - Roise, 剛剛先當選美國一本雜誌的hot girl number one, 其實我覺得佢都幾性感靚女, 尤其個嘴, 不過黃生覺得之前個女主角megan靚d wor.
題外話, 發覺自己都算係戲院黑仔王, 今次遇著個不斷咳的人坐後面, 對腳又貼住我張椅, 依間院坐位迫了點, 佢差不多每分鍾都咳幾次, 佢每咳一次就陣到我個位, 可憐我根本無辦法集中精神睇戲, 咳亦無得話人, 只好叫佢唔好貼住我張椅lor. 點解我10次有8次去戲院都會遇到依d人坐我附近架呢?!
我都最怕遇著D鍾意頂住前座人既麻煩友 .
回覆刪除[版主回覆07/05/2011 09:17:00]我諗你o個邊外國人腳長, 更多依d麻煩.