星期一晚放工出奇的熱, 熱到係感覺好奇怪, 好似企左o係個悶熱得很的桑拿房內, 行左去等巴士, 重要局多半粒鐘先上到架要去大欖轉的車, 點知竟然又比天文台玩, 行行下見到個天落大雨, 重係狗屎o個隻, 即刻打比黃生話唔去元朗喇, 諗住直接返屋企, 但黃生又話元朗無咩雨喇wor... 咁奇... 真係天有不測之風雲.
好喇, 照去, 買完阿仔d糧, 坐底街邊食美味凍豆腐花同串皇, 再去千色店巡舖, 有些少收穫, 再行左去b仔食我喜愛的雞翼尖, 黃生order腸粉同蜜瓜冰, 正!!
o係元朗一間韓國入口食店買左隻韓國出的粟米雪糕筒, 記得去韓國時同表妹買左黎試, 好味到好快就食完, 今次買完搭車返屋企途中, 同黃生一陣就食晒成包. $20/2包
下次入嚟搵你食飯~
回覆刪除[版主回覆09/02/2011 09:38:00]當然奉陪!!