早排玩團購推介朋友買野有得送$50/積分, 用左黎買美心冰皮, 揀左藍莓芝士 同 蛋黃綠豆蓉, 前者覺得唔夠芝士味, 後者有蛋黃香, good呀!
p.s. 個團購網有d 古惑, 話經網站推介朋友就有積分送, 但我試過send比同事, 打開只係網站首頁, 根本唔會直接到推介的產品網頁, 依d咪奸招lor!! 最終我係要打去cs問方法先做到個要求咋.
黎緊我會試美心冰皮趣脆, 本來團購都有$45/2pack4粒, 可惜miss左, 依家搵到美心都有$8/推廣優惠卷, 特價$58/再減$8/, 都好過無喇. (優惠期到9月9日)
我媽咪都有玩團購!
回覆刪除有時yahoo團購都真係幾抵！
[版主回覆09/01/2011 13:54:00]係架, 唔同團購網買野又有唔同優惠呢.
依家啲產品，搞咁多“花神”o既，但又幾得意喎
回覆刪除[版主回覆09/02/2011 09:15:00]係咪睇見都想食呢..
我上星期都試了三款冰皮月餅, 好好彩呀唔洗錢, 有人請試食 .
回覆刪除我比較鍾意藍梅味, 不過你唔講我都唔知有芝士, 真係食唔出芝士香....
蛋黃果款唔鍾意, 因為味度有d似傳統月餅, 但口感冰皮, 好奇怪....
仲有試食"天使魔鬼趣脆" 不過無朱古力醬....都幾好味.
[版主回覆09/02/2011 12:14:00]你就好喇有人請, 原來你都試左依兩款, haha大家都覺藍梅真係無芝士香, 我又反而喜歡佢傳統的蛋黃加冰皮, 口味真係好個人.
你話天使魔鬼趣脆好味就好喇, 我會買黎試下.
天使魔鬼比我感覺好似食緊朱古力味糯米磁雪糕. 加上我鍾意食任可朱古力味的食物 所以我ok! 希望啱你口味.
回覆刪除[版主回覆09/03/2011 14:26:00]多謝你的試食感想, 我都喜歡朱古力, 應該都鍾意的.
我四款都食晒喇, 天使魔鬼好食好多
回覆刪除[版主回覆09/04/2011 14:58:00]聽完你講, 更加想快d買黎試!!