今晚做完bodycheck, 之後join了黃生在元朗大排檔食飯.
我每次都一定叫椒盬九肚魚, 不過唔知點解今次碟魚縮晒水...
聞到隔離枱超香的蝦醬炒通菜, 自己都叫返碟, 真係好好食, 不過好多油.
黃生喜歡的炸蠔餅, 近得黃生多, 以前唔多喜歡食蠔, 但都覺得幾好食.
另一朝牌菜 - 魚香茄子煲, 都好正, 只係唔夠辣味.
其實間唔中我都好喜歡去大排檔食飯, 不過眼見大排檔越見越少, 尚存的環境又真的不太潔淨, 不過又實在要食得咸魚抵得渴呢.
(photo by mobile phone)
又真係好似好正咁喎 睇見都想食添
回覆刪除係呀...大排檔o既環境真係比人o既感覺恐怖d仲記得上幾個月天氣仲凍凍地諗住應該無咁多小強出現又想去廟街d大排檔食吓d風味野啦點知喺等餸黎o既時候已經見倒有一隻小強喺附近行黎行去攪到我驚驚青青咁食哩餐但果度d野食味道都唔錯o既不過我諗下次我都係去過第間試啦因為始終有d陰影怕怕
[版主回覆03/27/2008 23:53:00]大排檔真係食得津津有味, 不過真係又食得好提心吊膽呢.
你叫個幾樣餸我都好鍾意食, 你可否在order炒菜前叫他們少油.
回覆刪除[版主回覆03/27/2008 23:55:00]好提意bor, 多謝b ho mami的建議, 下次都要試下先.
我係超鍾意去大排檔, 但香港剩番太少了...
回覆刪除[版主回覆03/28/2008 00:00:00]我記得細個時住在大埔的娘家, 有一排過的大排檔在屋村樓下, 真係日日食唔同舖都要食成個禮拜, 好多選擇, 但而家同你講的一樣, 越見越少了, 所以我都真係會得閒就去元朗食返餐好有風味的大排檔小菜呢.
據我所知, 火炭同沙田都有, 火炭我都幾常去食架, o個度有好幾間, 津津較出名, 但我覺得泰源好食d
回覆刪除[版主回覆03/29/2008 00:48:00]記得幾年前朋友帶我去過沙田or大圍的大排檔, 都是在屋村樓下的, 真係好好味, 但就是忘記了叫咩名, 唔知有無可能同你講的是同一間呢... 希望有機會再試或試下你o個間啦!