o係日本食野食到嘴饞晒, 是晚去了深水埗陪黃生睇野, 順便去福華街的 "容記小菜王"食小菜, 門面平平無奇的小菜廳, 客人不絕, 出名多明星食都係其次, 有位前菲律賓御廚坐陣, 就係我地想試的原因.
佢最出名係新鮮出爐燒肉, 果然重熱, 皮重好脆!
另一出名的小菜係依個 鮑片時菜, 都係個汁煮得好, 帶到個菜都好好食.
不嬲無香口野不歡的我, 特別點了個炸蝦餅, 一碟八件只係50幾蚊已經好抵, 夠彈牙又夠厚就更抵食, 只係厭欠缺蝦味.
依碟例牌菜係my favorite的 椒鹽九肚魚, 唔洗講咁多, 正!
兩個人叫唔到咁多餸, 叫了四碟都食唔晒, 下次都係叫埋姑姐表妹去試, 多d人可以試多幾味餸.
不過埋單都唔平, $260幾元, 耐唔耐一次都ok啦.
容記我以前帶過屋企人食....媽咪好鐘意食返"魚腸"..佢地好好出名的....老人家一定食得開心./....
回覆刪除[版主回覆06/24/2008 12:51:00]真係唔錯, 下次都想同屋企人一齊去
vicki介紹多d好食的店舖比大家呀~~有次諗食咩真係頭都痕呀^^
回覆刪除