黎到井之頭恩賜公園的小食亭喇, 見到依度D人都係好悠閒寫意...
o係小食亭又買左杯限定o既櫻味雪糕, 好味.
見到喇見到喇, 有天鵝船呀, 今日天氣咁好, 唔太曬又唔熱, 一於去玩下先.
我地梗係要坐天鵝船喇!
ee, 咁多duck duck痴住對面隻天鵝船o既...
重走黎我隻船度, 想點呀?!
原來佢地係唔怕人, 重要人比野食....
最抵死我又要顧住比野食, 又要拍照, 就比左隻鴨鴨夾埋我隻手呀....hahahaha, 好在唔痛咋.
我地隻天鵝船700yen玩半個鍾, 夠晒皮, 玩左一陣其實都幾攰架, 好在表妹幫手咋.
不過真係好好玩, 踩到湖中我地都停底欣賞周圍o既風景, 咁爽o既天氣玩, 真係好舒服!
初初姑姐怕個湖好污糟好臭(佢o係香港玩過係咁), 不過真係唔污糟亦無臭味.
湖中有好多好大的錦里, 都係環境好吧.
行過條石橋見到有間小食亭
剛巧有人表演wor, i love it! 親身感受到當地居民生活的樂趣!
個斑點大叔原來叫人試下吹漲個長條氣球, 除左個老外外都無人吹到wor...
之後佢重表演一次過吹3個長氣球, 不過佢係用鼻吹架, 睇到個個都haha大笑拍晒手呀!
附近就係"Gu Gu the cat"內其中一幕樂隊表演的露天廣場.
今次行到上次無行的公園部份, 感受到依個公園o既和諧氣氛, 真係好喜歡依個地方, 我一定會再返黎架!!!
沒有留言:
張貼留言