下北沢 day4- 9/12/2012

第4天, 先去下北沢, 依道一樣有小小商店街, 不過睇的店舖種類唔算多.



先到一蘭醫肚, 網上睇人讚得多, 食都係第一次, 黃生話依間店多數都大排長龍, 唔知係咪下北沢人少定平日又早, 今日黎無咩人wor.

入去坐位前, 一樣要在自動販賣機買飛先, 門外有電子板顯示可揀之坐位...




好少見咁完善細心的拉麵店, 食野都有詳細指示, 有掛衣位, 亦一樣有湯濃淡, 麵粗幼, 要不要蔥等選擇.
見到個制唔知寫咩就試下按(圖下的制), 點知原來係搵人黎, 重有離席都可按制, 等出面的人知邊度有位.




每個坐位之間有木板隔開, 如有同伴一齊亦可打開, 前面是上食物的位置, 送完後侍應會放下捲簾讓顧客用膳, 私人度極高!

 

拉麵到, 豬骨湯底食得出用多種肉骨煲製而成, 絕對好飲!! 實在是一間完善味讚的拉麵店!!

高級青大豆, 秘傳豆, 生豆乳作招來, 吸引了我們去買來試試.

原來係炸麵包圈




老闆好好人, 見我地只買一個都主動送多杯青豆乳.
其實炸圈似炸麵包味道淡, 無冬甩咁正, 豆乳亦一樣淡, 無豆漿咁香甜, 不過可能老闆是想製作健康食品吧, 之後亦見有不少街坊幫襯呢.

 

食完又食, 終於到行街的時候, 有間又大又多不同精品的店舖, 越行越入都未見盡頭似的, 睇到花多眼亂.
其中見到我喜歡的小紀廉

令我想起細個都有支好膠的神仙捧!!

在香港吉之島都見過的掛杯式動物造型盆栽,, 今次依度抵喇, 只須819yen, 香港記得大約$140-150

還有漫畫雜誌等書籍

印象中都行過一些小小精品店, 不過感覺無咩特別, 係上面介紹的店舖包羅萬有. 但如時間不多的, 都不建議特別到此了.